هز سيف الدين راسو مبسم لام ايناس لي رحبات بيه فالوقت لي دخلات عليهم هند، ما شافتش جهتو عكسو هو لي تبعها بعينيه حتا جلسات حدا مها اللي لمحات شوفاتو و عقدات حجبانها باستغراب، فديك اللحظة عقلها دار لها طرن و تبسمات و هي مضيقة الشوفة فسيف الدين لي تدارك راسو و حنحن
-ام ايناس: فين خليتي البنيتة ا ولدي؟
-سيف الدين هز فيها راسو: عند الواليدين
-ام ايناس: كون جبتيها معاك
-سيف الدين: مابغيتش نكرفصها فالتران
-اسماعيل: مرحبا بك ا سي سيف الدين
-سيف الدين حط ايديه على صدرو: الله يكبر بك ا خويا اسماعيل (خذا كاسو د اتاي شرب منو و رجع حطو قبل ما يعاود يشوف فاسماعيل) انا جيت باش نشوف ايناس واش ولات بيخير و فنفس الوقت نعلمها بلي عندها كونطرول مع الطبيبة
-اسماعيل: على مازال خاصها تبع مع الطبيبة؟
-سيف الدين: وي ضروري باش تبع معاها حتا ترجع لها ذاكرتها ان شاء الله
كيهضر و فخاطرو كيطلب الله مايعيقوش بكذبتو، عارف السبة د ايناس بوحدها ماكافياش و باش يزيدو يقتانعو خاصو يجبد حس الطبيبة و حالتها الصحية، سرق شوفتو فهند لقاها حادرة راسها مبسمة جنب و عاود هز راسو فمها لي هضرات معاه
-ام ايناس: زعما مانقدروش نتبعو لها مع شي طبيبة هنا نيت فكازا؟
-سيف الدين: ممكن جدا، الا لقيتو شي وحدة و ارتاحيتو لها ممكن نصيفط لكم ضوصي لهنا
-اسماعيل: صافي حتا نقولها ل علي هو يتكلف، ديجا غيكون حسن الا تبعات مع شي وحدة هنا، امتا عندها هاد الكونطرول؟
-سيف الدين: نهار الاثنين
علات هند حجبانها و تحكمات فابتسامتها بزز في حين هو تبسم ابتسامة صفرا و هو كيشوف فام ايناس لي نطقات موجهة كلامها لبنتها
-ام ايناس: كون ماكنتيش غتمشي تال الويكاند كون مشيتي مع ختك نهار الاثنين
-اسماعيل: على اساس غيمشيو غير بجوج؟ اصلا ايناس ماغيخليهاش راجلها تمشي بوحدها غيديها هو
-ام ايناس: على هادشي قلت تمشي معاها، زعما هو يديهم
-هند: و طوموبيلتي ا ماما؟ باش غنتحرك الا مشيت معاهم
-ام ايناس: خرجات ليا من بالي
-هند: اصلا مابقيتش غنبقا تال الويكاند، غنمشي لاربعا
أنت تقرأ
حكاية ظلام (مكتملة)
Romanceالقصة كتعالج موضوع الارملة و معاناتها مع ام زوجها اللي كانت رافضاها، كتعالج موضوع العلاقات السامة و كيفاش اثرات علاقة سابقة على نفسية البطلة لدرجة تعقدات من الرجال و من الزواج، كتعالج موضوع الخيانة و الغذر كيفاش زوجة داتها غير فدارها و فالطلامط و ال...
