نهار جديد باحداث جديدة، دخلات للبيت لقات ختها كتهضر فالتيليفون بعصبية غير دخلات عليها همسات للي كتهضر معاه بصوت خافت غير مسموع و قطعات عليه قبل ما تجلس على طرف السرير كتطلع و تنزل فسليمة لي دخلات عليها
-كوثر: الناس كيدقو، كيدقو عاد كيحلو الباب
-سليمة جلسات مقابلة معاها: كتحشمي زعما!
-كوثر قلبات عينيها: كنتي شادة سناء، دغيا حطيتيها و جيتي كتجري
-سليمة: اوا جات ماماها داتها ترضع نقولها لا خليها ليا بزز؟ و زيدون علاش تنويتي؟ الا كنتي كتهضري مع كريم عادي الا سمعتكم ولا كتقولو شي حاجة خادشة للحياء زعما اممممم
ضرباتها كوثر بمخدة كانت حداها و ناضت هربانة من عينيها و وقفات قدام المرايا كتمشط شعرها
-سليمة: فخبارك بلي 15 يوم اللخرة د شهر 8 ها حنا دخلنا فيها و شي خطبة مازال ما شفناها، امتا ناوي يجي؟
دارت راسها ساهية فالفراغ ماسمعاتهاش حتا ناضت سليمة من بلاصتها و وقفات عليها كتنغز فيها
-سليمة: وا الناس را معاك كنهضر
-كوثر قفزات على اساس بصح كانت ساهية: شنو قلتي؟
-سليمة: قلت لك امتا النسيب غيجي يخطب؟
ماكانتش كتسنى هاد السؤال و ماكانتش موجدة جواب ليه و لكن كيف بدات الكذبة كان خاصها ضروري تكملها باي طريقة، لاحت المشطة بالزعاف و دارت عند ختها بحجبان معقودين
-كوثر: لقيتيني هادشي فاش كنفكر نيت، عصبني يا ختي شوفي شحال و حنا نتسناو فاللخر قال بلي مازال ماغيقدر يجي حيث عاد دخل فمشروع جديد مع خوه و خاف يخسر فلوسو و يصدق ماقادرش على مصاريف الزواج و داكشي
-ميلات فيها سليمة راسها و هي مضيقة شوفتها: هاد الدخلات و هاد السبات ماكيعجبونيش، ياكما كيتفلى عليك ا صگعة؟
-كوثر: لا لا مايديرهاش
-سليمة: وا ختي را جاني غير بغا يسكتك و صافي، ماكنرتاحش ليه غير من عينيه لي غير كيدورو
-كوثر: ياك نتي اصلا من نهار البطولة اللولة د علي باركة عليا كريم كيشوف فيك كيشوف فيك و كملتي بنهار العقد د ايناس و ملي لقيت لميساج ديالو زعمت نهضر معاه غير حيث تفكرت شنو كنتي كتقولي ليا و دابا ا حگا عينيه غير كيدورو
-سليمة: انا قلت غير شنو بان ليا، قلت لك كيشوف فيك ماشي هي كتعجبيه، و اصلا قلت لك كان كيشوف حتا فامينة و فيا ماشي غير نتي
أنت تقرأ
حكاية ظلام (مكتملة)
Romanceالقصة كتعالج موضوع الارملة و معاناتها مع ام زوجها اللي كانت رافضاها، كتعالج موضوع العلاقات السامة و كيفاش اثرات علاقة سابقة على نفسية البطلة لدرجة تعقدات من الرجال و من الزواج، كتعالج موضوع الخيانة و الغذر كيفاش زوجة داتها غير فدارها و فالطلامط و ال...
