• ခုနစ်ဆောင်နန်းက မညှိုးပန်း •
(Part - 38)
ဟီကူနှင့် စန္ဒဝတီက ဦးဆောင်ပြီး အရှင် မဏ္ဍိုင်နှင့်အတူ တစ်ပါတည်း ပါလာသော ရံရွေတော်များကို နေရာချထားပေးနေသည်။ အသုံးအဆောင်၊ ဆေးပစ္စည်းနှင့် စားဖွယ်အစုံစုံကို တင်ဆောင်လာသော လှည်းထဲမှ ဂနိုင်းရဂုံ၏ ဘုရင်မဟောင်း စန္ဒကူး ထွက်လာ၏။
“ မယ်တော် .. မယ်တော်လား ”
စန္ဒဝတီမှာ အံ့ဩခြင်း၊ ထိတ်လန့်တုန်လှုပ်ခြင်းတို့ အပြည့်ဖြင့် ရေရွတ်မိလိုက်သည်။
“ မယ်တော်တို့ မတွေ့ဖြစ်ကြတာ ကြာပြီနော် ”
“ ဒီနေရာကို ဘာဖြစ်လို့ .. မယ်တော် ဒီနန်းကို ဘာကိစ္စနဲ့ ရောက်လာရတာလဲ ”
စန္ဒဝတီရဲ့ အမေးကို မယ်တော်က ပြန်မဖြေဘဲ လှည်းပေါ်က ပစ္စည်းအချို့ကို အောက်ချနေသည်။ မယ်တော့်အကြောင်း စန္ဒဝတီ ကောင်းကောင်းသိ၏။ သူ့အတွက် အကျိုးမရှိသော အရပ်ဒေသသို့ လူကိုယ်တိုင် သွားဖို့မပြောနှင့်၊ စိတ်နှင့်တောင် မတွေးတတ်သည့် မယ်တော်က အစ်မတော်ကို နောက်ထပ်တစ်ကြိမ် ဒုက္ခပေးဖို့များ ရည်ရွယ်ထားပြန်သလား။
“ ခုနစ်ဆောင်နန်းမှာ မယ်တော် ရှိနေတယ်ဆိုတဲ့အကြောင်းသာ အစ်ကိုတော်သိသွားခဲ့ရင် ဘယ်လိုဖြစ်သွားမယ်ထင်လဲ။ မယ်တော့်ကို .. ”
“ သမီးတော်သာ ဂနိုင်းကို သွားမပြောပြဘူးဆိုရင် သူ သိစရာအကြောင်း မရှိဘူးလေ။ မယ်တော့်ကို အဲ့ဒီ့တစ်ခုတော့ ကူညီပေးနိုင်တယ် မဟုတ်လား ”
မယ်တော်က စန္ဒဝတီ ပြောလို့မပြီးသေးခင် သူ့စကားကို အရအမိ ဖြတ်ပြောလာသည်။
“ မယ်တော့်မှာ အပြစ်တွေများနေပါပြီ။ မကောင်းတဲ့ အတွေး၊ မကောင်းတဲ့ လုပ်ရပ်တွေကို ဆက်ပြီးမလုပ်ပါနဲ့တော့ မယ်တော်ရယ် ”
“ သမီးတော်က မယ်တော့်ဘက်မှာ ဘယ်တုန်းကမှ မရှိခဲ့ဘူးပဲ။ မယ်တော် အခုလိုတွေ လုပ်နေတယ်ဆိုတာ အားလုံးကောင်းဖို့အတွက် လုပ်နေတာ၊ ဂနိုင်းရဂုံတိုင်းပြည်အတွက် မယ်တော် ကြိုးစားနိုင်သလောက် ကြိုးစားနေတာပါ စန္ဒဝတီ ”
ESTÁS LEYENDO
ခုနစ်ဆောင်နန်းက မညှိုးပန်း (𝐎𝐧𝐠𝐨𝐢𝐧𝐠)
FantasíaAvailable 📌 Unicode & Zawgyi adult scenes ❗❗
