عشقته رغما عني

اقتباس مش بارت❤

خالد بغضب جامح واصبحت عينه ككرتين من النار من شده الغضب: بقي بزمتك انت راجل انت شايف نفسك ازاي ها وانت جريت ورا حته بت صايعه وسبت اخواتك لوحدهم ها هتفضل فاشل كده طول حياتك ولا هتفلح في اي حاجه ولا شغل ولا حياه 

امجد بعصبيه مفرطه وقد نسي انه يتحدث مع اخيه الكبير ونسي ايضا انه في اسوء حالات غضبه الان والحل الامثل هو تجنبه ولكنه فعل العكس: ما خلاص بقي يا خالد وهو حد قالك اني الحارس بتاعهم ولا تكنش فاكر انك اشترتني ولا حاجه ولا تكون فاكر بقي ان مفيش حد ناجح غيرك ها ولا تكون فاكر ان الشركه دي بتاعتك لوحدك لا فوق كده انا ليا فيها زيك بالضبط حتي لو مشتغلتش خالص هفضل زيي زيك 

كريمه بغضب وهي تبكي بشده: بس اخرس ايه الكلام اللي بتقوله ده انت بتكلم اخوك الكبير 

خالد بجمود وهو يضع كلتا يده خلف ظهره: سبيه يا امي سبيه يوريني التربيه الجميله 

امجد بغضب شديد وهو يصيح به بشده : انا متربي يا خالد واه هتكلم ومش هسكت ولا هخاف منك ولازم ف

تفهم انك مش الحاكم بامره لا انا زيي زيك الا مكنتش احسن منك كمان علي الاقل انا مش معقد زيك وخدت علي قفايا من صاحب عمري وباعني عشان واحده ست لا......بتر كلامه فجاه اثر صفعته القويه وشهقت كريمه وهي تركض علي صغيرها لتحميه منه ولكنه كان الاسرع منها ومسكه من تلابيبه بشده دبت الرعب في اوصاله وهتف بغضب وصوت جهوري كازير الاسد: انا هوريك الادب بيكون ازاي ورفع يده وكاد يصفعه ثانيا ولكن يد امه كانت الاسرع ووقفت بينهم تمسك يده ببكاء: عشان خاطر امك بلاش تضربو تاني خلاص كفايه وحياتي عندك 

قاطعه رن هاتفه ليمسكه بغضب ولكنه رد بهدوء شديد لا يعكس ابدا عاصفته السابقه: انتي فين يا روبا 

روبا بكذب: معلش اتاخرنا عليك والله جايين بس الطريق زحمه والحفله لسه خالصه

خالد: يعني روحتوا الحفله 

روبا بتوتر شديد: اه اه الحفله كانت حلوه اوي 

خالد وهو يغمض عينه بغضب شديد: طيب يا روبا سلام....اغلق الهاتف وهتفبغضب شديد وصوت غاضب كفحيح الافعي: تاني بتكدب تاني ماشي صبرهم عليا واكمل لامه التي كانت تحتضن صغيرها وهي تلمس علي خده الذي بدا في كسب الزرقه اثر قوه الصفعه : لما الهانم تيجي متقليهاش اني عرفت حاجه وهتف بصوت جهوري: عشان واضح انو كلو عايز يتربي من جديد وصعد غرفته بغضب شديد وهو يتوعد لهم وكريمه بالاسفل تدعو الله ان يمرر تلك الليله علي خير
_______________
بحبكوا في الله❤❤