السلام عليكم ورحمة الله وبركاته
الاول ازيكم عاملين ايه يا رب تكونوا كلكم بصحه وسلامه
البوست ده مهم وياريت الكل يقرأه ...
عايزه اسال سوال مهم ....
ليه اللي بيقرا عمل وبيتابعوا مش بيتفاعل معاه بالاعجاب والتعليق ؟؟؟؟ يعني القراء لما تقروا روايه حلوه ليه بتسخسروا تعملوا كومنت تقولوا فيه رايكوا سواء بإعجاب او انتقاد بناء انتو مش متخيلين وانا بكتب الفصل باخد كحد أدنى خمس ساعات وببقي متخيله ردة فعلكم علي كل مشهد وكل تعبير وببقي في قمه السعاده وانا متخيله فرحتكم بيها وبحاول اطلع احسن ما عندي عشان افرحكم واسليكم...
الكتابه دي مبطلعش منها باي منفعه او اي مقابل مادي ولا حتي شهره انا مش مغنيه ولا ممثله كل اللي بكسبو تعليقكم وكلامكم الحلو والتفاعل علي كل مشهد وكل فصل و فعلا ده بيفرق معايا و بيحسسني اني بعمل حاجه حلوه مش بكتب لنفسي او في صحرا والا اوفر وقت الكتابه ده لنفسي او لاهلي سوالي ليكم ليه بتسخسروا تعلقوا وبتقروا في صمت مع ان التفاعل والتعليق علي فصل بياخد مني خمس ساعات مش هياخد منكم خمس دقايق !!
التفاعل علي البارتات محزن ومحبط بالنسبالي جدا لما يبقي اخر بارت شافه وقراه ١٥٠٠ شخص و اللي يعملوا فوت ٢٠٠ شخص و كومنت ٤٠ شخص !!! لا يبقي انا بضيع مجهودي ووقتي يا جماعه انا معنديش استعداد احس اني برمي كتابتي في الهوا زي ما حقكم عليا الالتزام وروايه تليق بيكم حقي عليكم فوت وكومنت برأيكم مفصل مش حتي ملصق او قلب وخلاص انا مش هينفع معايا كده يا جماعه بصراحه ربنا اللي يعلم انا بكتب بصعوبه ازاي وسط كل الضغوطات اللي في حياتي بس بكتب عشانكم انتو و بس و باجل شغلي و مذاكرتي و بقسم بالله ان بيبقي عندي امتحان بكره و البارت معادو انهارده وبقسم الوقت بين المذاكره والكتابه عشان مش عايزه حد يزعل مني و في الاخر الاقي مقابل ده تجاهل و اقل من ٥ في الميه من اللي قروا يهتموا !! لا صعبه اوي عليا بصراحه يا جماعه .....
عموما لو الجزء ده مش في مستوي اعجابكم ومش هاممكم انو يكمل تمام انا هوقفه و عوضي علي الله في المجهود والوقت اللي ضاع لكن انا الاحباط اللي حاسه بيه ابدا مكنتش منتظراه عموما مفيش فصل انهارده لاني فعلا مقدرتش اكتب من الإحباط اللي انا فيه .... الفصل هينزل يوم الخميس ان شاء الله وعلي حسب التفاعل بتاعو هشوف اذا كنت هقدر اكمل الروايه ولا لا مش هقبل بعد كده بعدد علي الاقل نص اللي قرا يعمل فوت وكومنت طبعا مع كامل احترامي للناس اللي بتعلق تعليق مفصل علي كل فصل انا عرفاهم بالاسم ولو قررت اني مكملش الروايه والله ما عندي اي مانع اكتب ليهم وابعتهلم لوحدهم علي الاقل بيقدروا...
اسفه لو طولت عليكم بس كان لازم اقول الكلام ده...
سلام عليكم ورحمه الله وبركاته.....
أنت تقرأ
عشقته رغما عني
Romantizmعشقها منذ النظرة الاولي... احبها كما لم يفعل من قبل و لكن.... هل كان لقسوته راي اخر ... ليس علي تلك الصغيره فقط بل علي جميع أفراد اسرته الكبيره المسوئل عنهم مسوليه كامله يخشونه قدر حبهم له احداث لا تنتهي ولكن في النهايه كانت تصب عنده ليحلها و ينال...
