صلوا علي الحبيب المصطفي صل الله عليه وسلم ...
_________________
متنسوش تعملوا فوت ( تصويت ) من النجمه اللي موجوده في اخر الشاشه علي اليمين دي وكومنت برايكم الجميل والمهم جدا جدا جدا لما تخلصوا قرايه ان شاء الله ويارب الفصل يعجبكم...
_________________
توقفنا الفصل الماضي علي رغبه رغد في مصارحه ثائر بالحقيقه وعلي مواجهه نوح وفاطمه والمكالمه التي اتته لتخبره بنتيجه التحاليل ال DNA وخروج عائشه من المنزل بعد ان قررت خلع حجابها يا تر القدر لسه مخبي ايه لابطالنا يلا نشوووووووف ......
__________________
في فيلا درغام ...
رغد بحسم هي الاخري فقد نوت اخباره بالحقيقه كامله حتي اذا كان الثمن ان تخسره للابد وهذا المتوقع بالطبع ولكن كفي لن تخدعه وتعيشيه بالوهم اكثر من ذلك لتهتف بنبره جامده : اهلك عندهم حق يا ثائر احنا لازم نسيب بعض انا منفعلكش
ثائر بصدمه : ايه الهبل اللي انتي تقوليه ده يا رغد يعني ايه عندهم حق
رغد : يعني اخوك عارف حقيقتي يا ثائر عشان كده رفض اننا نتجوز وهو حقو
قبض ثائر حاجبيه هاتفا بعدم فهم : حقيقتك
رغد باعتدال في جلستها : اه يا ثائر حقيقيتي
ثائر بريبه : قصدك ايه يا رغد انا مش فاهم اي حاجه منك بصراحه
تجمعت الدموع في مقلتيها بسرعه شديده وهتفت وهي تفرك يدها بتوتر شديد : حقيقتي يا ثائر انا مجتش البيت هنا عندكوا بالصدفه ولا النصيب هو اللي جابني ولا حاجه
ثائر بنفاذ صبر : رغد ارجوكي اتكلمي علطول انا اعصابي مش متحمله الغازك دي
رغد : امير صاحب اخوك ساجد هو اللي جابني هنا جابني جاسوسه عشان انقل كل اخباركوا عشان ابقي مرسال عليكوا و كان بيطلب مني اذيكوا وانا نفذت كل اللي طلبه مني
ثائر بصدمه مما قصته للتو : ثواني بس ثواني انتي بتقولي ايه امير صاحب ساجد بعتك انتي جاسوسه علينا ازاي ده صاحب عمره و متربي هنا في بيتنا من وهو صغير انتي بتخرفي ولا ايه وبعدين انتي قولتي ياذينا وانتي نفذتي !
رغد ببكاء ولكنها متماسكه تواجه مصيرها بكل شجاعه : ايوه يا ثائر دي الحقيقه اول حاجه طلبها مني اني امسح ميل مهم علي لاب توب ساجد وانا عملت كده وبسبب الشركه خسرت مبالغ مهوله وتاني حاجه طلبها مني اني اقتل اختك ريحانه
اتسعت اعينيه لثائر بتلك الصاعقه الاخري التي القتها في وجهه هاتفا بصعوبه : تقتلي ريحانه ! وانتي نفذتي يا رغد !
رغد بايمائه علامه النعم : ايوه نفذت رميت كل حقن الانسولين اللي في البيت لما سمعت انها تعبانه عشان محدش يلحقها بس ربنا كان لسه مادد في عمرها و نوح انقذها واكملت بانيهار فقدت السيطره عليه : انا وسخه انا عارفه بس والله العظيم والله العظيم كان غصب عني امير هو السبب هو اللي كان بيهددني انه يقول لاخويا علي مكاني و يخليه ياخدني وانا مكنتش هتحمل يا ثائر مكنتش هتحمل انا عارفه انت شايفني ازاي دلوقتي عارفه وعارفه كمان اني مستهالش اي احترام ولا استاهل انك تسامحني وعارفه اني عيشتك في كدب ووهم بس الحاجه الوحيده اللي لازم تعرفها يا ثائر هي الحقيقه الوحيده في كل ده هي اني مكدبتش عليك في اي حاجه ما بينا
أنت تقرأ
عشقته رغما عني
Romanceعشقها منذ النظرة الاولي... احبها كما لم يفعل من قبل و لكن.... هل كان لقسوته راي اخر ... ليس علي تلك الصغيره فقط بل علي جميع أفراد اسرته الكبيره المسوئل عنهم مسوليه كامله يخشونه قدر حبهم له احداث لا تنتهي ولكن في النهايه كانت تصب عنده ليحلها و ينال...
