عشقته رغما عني

الفصل السادس من وتمضي الايام ❤

صلوا علي الحبيب المصطفى صل الله عليه وسلم ❤❤
___________________
توقفنا الفصل الماضي علي مكالمتان احدهما مجهوله لرغد تكشف انها مدسوسه علي بيت درغام ووجودها ليس بمحض الصدفه والاخري لتخبرهم بحادثه نوح .....❤❤
يا تري الايام لسه مخبيه ايه يلا نشوف مع بعض في جوله جديده ....❤
__________________
في المشفي الدولي ....
تقدم ليث بسرعه للاستقبال فقد اخبرتهم ابنته بالطبع لما حدث هاتفا للعامل في الاستقبال : لو سمحت في شاب دخل هنا من شويه في حادثه
العامل بعمليه : اسمو ايه يا فندم
ليث : نوح خالد درغام
العامل ناظرا في الشاشه امامه : اه اه يا فندم فعلا دخل من ساعه بس في خناقه مش حادثه
ليث بسرعه غير مباليا بسبب الدخول : قولي هو الدور الكام
العامل : الدور التالت اوضه 701
شكره ليث وتقدم بسرعه وكانت معه زوجته وابنته التي رفضت رفضا قاطعا الانتظار في المنزل ليقابله خالد بسرعه وهو يهرول بسرعه ومعه روبا وساجد الذي هتف مذعورا : عمو ليث عرفت هو فين
ليث بسرعه : اه يا حبيبي تعالو يلا
صعد الجميع لاعلي في الطابق المذكور ليصلوا للغرفه الخاصه به وكان حازم يقف خارجها ليهتف حين رائهم : مين حضرتكم واكمل حين راي جميلته الصغيره ومعشوقه قلبه : انتو اهل نوح اتفضلوا واكمل للواقفه بلهفه وقلق واضح علي حبيبها : ازيك يا فاطمه
فاطمه بعدم انتباه له ولا لما يقوله : اهلا ازيك
روبا بسرعه : نوح فين يابني
حازم : اهدي يا طنط هو جوا هنا بس الدكتور لسه معاه
كاد خالد ان يتحدث ولكن منعه خروج الطبيب من الغرفه هاتفا بهدوء وابتسامه مطمئنه: انتو اهله
خالد بلهفه : اه انا والده طمنا ارجوك طمنا
الطبيب مهدئا له : اهدي حضرتك هو كويس الحمد لله شويه كدمات وخدوش بسيطه بس عندو كسر في دراعو الشمال هو اتجبس وان شاء الله تلت اسابيع بالكتير ويفك الجبس
هتفت روبا من وسط بكائها : ممكن ادخلو ارجوك
الطبيب بهدوء : اه طبعا اتفضلي
دلفت روبا بسرعه ومعها ساجد ورائها ليهتف خالد للطبيب : هو يقدر يخرج امتي
الطبيب : بكره الصبح ان شاء الله يقدر يخرج
اوما خالد بصمت ليهتف الواقف بجوراه : متقلقش يا انكل ان شاء الله هيبقي كويس
خالد مستفسرا : ايه اللي حصل
حازم بتوضيح : معرفش والله يا انكل هو قام مشي بدري عن عادته وقال انو عشان عندو شغل الصبح بدري وبعدين احنا زهقنا قومنا نمشي بعديه بعشر دقايق علطول لقيناه واقف برا مع واحده صحبتنا وعلطول بقت تصرخ كان بيتخانق مع كام واحد علي ما روحنا كانوا جريوا
اؤما خالد بعدم رضا لكل ما يفعله ابنه ليهتف ليث لاخيه : تعالي يا خالد ندخل نطمن عليه مش وقتو تفكير دلوقتي
اؤما خالد بصمت ودلفوا جميعهم للداخل ليجد روبا تجلس جوار ابنها منهاره من البكاء وهو يهتف بها محاولا تهدئتها : يا ماما عشان خاطري كفايه عياط  مانا كويس اهو
روبا ببكاء : كويس ايه دانت مكسر خالص
ليث مطمئنا عليه : حمد علي سلامتك يا حبيبي ان شاءالله تقوم  بالف سلامه
نوح بهدوء : الله يسلمك يا عمي 
ساجد متدخلا في الحوار : ايه اللي حصل يا نوح مين اللي اتخانق معاك كده
روبا مونبه : مش وقتو الكلام ده يا ساجد المهم نطمن علي اخوك الاول
نوح شاردا : شويه عيال صيع كده متشغلش بالك انا هعرف اتصرف واخد حقي كويس اوي
روبا بخضه : حق ايه وبتاع ايه اللي تاخدو احنا هنعمل محضر وهما يتصرفوا انت بعيد خالص
نوح بضيق : ليه يعني وانا عويل مش هعرف اجيب حقي 
ساجد : انت تعرفهم قولي هما مين وملكش دعوه انا هتصرف معاهم واكسرلك عظمهم متشلش انت هم
خالد بنبره جهوريه منخفضه : ما شاء الله مخلف بلطجيه انا بيضربوا ويضربوا
ساجد بانفعال : امال ايه يا بابا اسيب حد يضرب اخويا و يعلم عليه واسكتلو يعني
نوح بضيق من حديثه : انا محدش علم عليا محدش قدر ولا حد يقدر هما خدوني علي غفله بس ملحوقه
فاطمه بلهفه وخوف ظاهرين : انت كويس يا نوح في اي حاجه بتوجعك
نوح بنصف ابتسامه داخليه لا يراها احدا غيره : انا كويس الحمد لله متقلقيش عليا قالها بنبره متحديه للواقف بجواره مصطنع الابتسامه فهو يعلم جيدا ان هناك نارا تشتعل بداخله بالتاكيد فاطمه لا تهمه في شي ولا تعني له شي ولكنه هكذا لا يمكن احدا من ان ياخذ شيئا يملكه نعم فهو يعرف انها ملكه حتي اذا كانت لا تلزمه ولكنها ملكه ما دامت تحت يده و باشاره واحده منه تصبح تحت قدمه فلا يحق لاحدا غيره التحكم بها وبمشاعرها او هكذا صور له خياله المريض بحبه لذاته....
لحظات من الصمت لتدلف تيا من باب الغرفه و كادت تتحدث ولكنها صمتت بسرعه بسبب الجمع الكبير في الغرفه فقد صعقت من العدد امامها فمنذ دقائق قبل ان ترحل لم يكن هناك احدا غيرها وحازم فقط لتهتف بابتسامه محرجه : كتير بعتذر ما كنت بعرف ان في ناس معك
نوح ناظرا لكل من بالغرفه فقد كان الكل يتطلع لها باستغراب شديد شكلها الجذاب ملابسها الجريئه ولهجتها التي تجذم بجنسيتها الواضحه .... قطع نوح ذلك الصمت هاتفا لها بابتسامه : تعالي دول عيلتي مفيش حد غريب واكمل معرفا اياها للوافقين حوله : دي تيا يا جماعه صاحبتي 
تقدمت تيا ببطي و هي تلقي التحيه للجميع ووقفت جواره هاتفه بصوتها الهادي وهي تاخذ حقيبتها من جواره : انا راح روح هلا راح حاكيك لاطمن عليك اوكي
راح ماددا يدها لها وممسكا يدها هاتفا بعدم وعي منه : هستناكي متتاخريش
اومات تيا بصمت بالطبع مع ابتسامتها الجذابه بشده له لتوما للجميع وهي تخرج من الغرفه تنهد الجميع بعدم اهتمام لتهتف روبا مستفسره من صغيرها : مين القمر دي يا واد
نوح ضاحكا : واحده صحبتي يا ماما
روبا هامسه له بضحكه وكانها لم تكن منهاره من البكاء منذ لحظات : هنتكلم في الموضوع ده بعدين
كان الجميع صامتا عدا فاطمه فقد كانت تموت غيره وحقد علي تلك التيا يالله كم هي جميله و رقيقه بل رائعه الجمال تفوقها جمالا و رقه بالطبع علي الرغم ان فاطمه تحمل قدرا كبيرا من الجمال الا ان تلك الفتاه لديها من الجاذبيه والكاريزما ما يغطيها بكثير وعندما تعشق فتاه رجلا باردا لا يبالي بها تفقد ثقتها في نفسها وجمالها تدريجيا فقد كان ذلك تماما ما تشعر به فاطمه وهناك كانت خارج الغرفه تجلس واضعه راسها بين يديها يالله من اين ظهرت تلك الفتاه الان اكانت يجب ان تظهر لتذكرها بنفسها قديما يا ربي كيف تشبهني لذلك الحد طريقه حديثها ملابسها هندمتها دلعها ومناغشتها تشبهها اكثر منها نفسها حتي طريقه مشيتها ورائحه عطرها النفاذه تشبهها حد الجحيم تلك الفتاه ليست بريئه ابدا بالطبع من يقوي علي علمها اكثر من نفسها لترفع راسها بعد لحظات عندما شعرت باحدا يقف امامها لتهتف باستغراب : في حاجه
حازم بانتباه : انا اسف معلش
اؤمت ناريمان بصمت ولكن هتف حازم مره اخري : هو انا شوفت حضرتك قبل كده
ناريمان مدققه النظر به : لا مظنش
حازم : متاكده
ناريمان بضيق من الحديث معه : اه متاكده انا عمري ما شوفتك
اعتذر حازم مره اخري بالرغم من شعوره الفز انها رائها من قبل لحظات ليتيقن ذلك الاحساس لديه بعدما اتي ليث من خفها مناديا : ناريمان يلا عشان ماشيين
اومات ناريمان بصمت وهي تذهب معه ومعها ابنتها ليقف الاخر متسمرا موضعه ذلك الاسم ما كان ينقصه لتسعفه ذاكرته بسرعه اهي ناريمان تلك العاهره التي حكي له ابوه عنها مرارا و تكرارا بالطبع هي فلن تخفي وجهها عنه ابدا كيف وتملا صورها جميع اركان غرفه والده تغيرت قليلا بالتاكيد عوامل الزمن اثرت عليها ملابسها الفضفاضه وقد تماشت تماما مع حجابها ولكنها لا تتماشي ابدا مع صورتها في خياله بعد حديث والده الجم عنها من الواضح ان هناك مغامره جديده ستبدا مع تلك العائله وقريبا جدا ....
_____________________