عشقته رغما عني

الفصل الثامن والعشرون من وتمضي الايام ♥️

صلوا علي الحبيب المصطفي صل الله عليه وسلم ...♥️♥️
_________________
متنسوش تعملوا فوت ( تصويت ) من النجمه اللي موجوده في اخر الشاشه علي اليمين دي وكومنت برايكم الجميل والمهم جدا جدا جدا لما تخلصوا قرايه ان شاء الله ويارب الفصل يعجبكم...♥️
_________________
توقفنا الفصل الماضي علي حديث امير مع نيروز صدمته بان ساجد متزوجا بامراه اخري عليها و امر تيا ايضا عندما اخبرت نوح بضروره التخلص من ابنه من فاطمه واخر شي علي زياره خالد حمزاوي لاخيها لندي في قسم الشرطه التابع له ونيته في اخباره كل شي  ... يا تري اللي جاي ايه و لسه الايام مخبيه ايه للعيله دي يلاااااا نشووووووووف .....♥️♥️
_________________
وفي ذلك المقهي ....
ندي امير علي النادل وطلب منه الطلب لتهتف نيروز بتساول : ممكن افهم ايه الموضوع بقي يا امير و ليه قولتلي مجبش سيره لساجد ولا اقوله اني جايه
امير : عشان ببساطه الموضوع يخص ساجد يا نيروز ومكنش ينفع يعرف اني هقابلك انهارده والا كان هيسال ليه و ممكن ياخد احتياطه
نيروو بعدم فهم : احتياطه من ايه بالضبط ما تتكلم علطول يا امير من غير لف ولا دوارن
امير بحزن مصطنع : انا عرفت حاجه عن ساجد يا نيروز هي مش حاجه هي مصيبه سوده وقولت لازم اقولك هو اه صاحبي و اخويا بس ميرضنيش بردو اللي بيعملو في بنات الناس ده ولا يرضيني ابدا انو يستغفلك
نيروز بنفاذ صبر : اتكلم علطول يا امير ارجوك ايه اللي حصل
امير ملقيا عليها بجمله اشبه بجمره من النيران الساقطه عليها  : ساجد متجوز عليكي يا نيروز ومخلف كمان؟؟!!
نيروز بضحكه عاليه : لا والله وايه كمان يا امير
امير : انتي بتضحكي يا نيروز
نيروز وهي تاخذ القهوه من النادل ومازالت مستمره في الضحك : اه طبعا بضحك يا امير المفروض اعمل ايه يعني وانت بتهزر
امير بجديه : بس انا مبهزرش يا نيروز انا شاكك في الموضوع ده بقالي فتره و مشيت وراه واتاكدت من كده بنفسي
ارتشفت نيروز بعض القطرات من القهوه ونظرت له نظره فهمها هو جيدا لتهتف بعدها بجديه : امير ! بلاش الحركات دي معايا انا ها عشان انا وانت فاهمين بعض كويس اوي وعارفين كويس اوي اوي اوي انت بتقول الكلام ده ليه دلوقتي
امير بحب وعشق محرم عليه : انتي اللي عارفه كويس اوي يا نارو اني بحبك ومش من دلوقتي من ساعة ما عيني وقعت عليكي وانا بحبك و نفسي ... نيروز مقاطعه له بحده : نفسك ايه يا امير ما تفوق بقي من الوهم اللي انت عايش فيه و فوق من اللي انت بترفعه ده وافهم اني ست متجوزه ومش متجوزه اي حد لا متجوزه صاحب عمرك اللي المفروض يعني انكوا اكتر من اخوات يعني اللي بيحصل دلوقتي ده غلط ولو هو شافنا دلوقتي مش هيبقي الوضع لطيف ابدا لا ليا ولا ليك فاهمني ولا لا
امير : انا مش فاهم غير اني بحبك وبس يا نيروز
نيرو بملل : انت قولتلي الكلام ده كتير يا امير وانا احترمت مشاعرك و مرضتش اقول لساجد عشان علاقتكم ببعض متتاثرش او تبوظ يعني وده اللي اكيد هيحصل فبلاش تضطرني اعمل كده
امير محاولا مسك يدها : اعملي اي حاجه انتي عايزاها يا نيروز انا مستعد اعمل اي حاجه في الدنيا اي حاجه مهما كانت بس تبقي معايا تبقي ملكي
سحبت نيروز يدها من اسفله وهي تهتف بحده : اسمع بقي يا امير عشان واضح انها خلاص فلتت منك علي الاخر انا لا ملكك ولا ملكه ولا عمري هبقي ملك اي مخلوق خلقه ربنا انا ملك نفسي وبس وانا اخترت ساجد ومعاه عشان انا بحبه وعايزه ابقي معاه و مخترتكش لاني مش بحبك وقولتك كده الف مره والقرف اللي انت جاي تقوله ده قال يعني انا هبله و هصدقك و هروح اجري عليه واقوله طلقني يا خاين وابقي معاك مش كده !! فوق بقي يا امير و كفايه حواراتك دي عشان انا زهقت و قربت اجيب اخري ولو اخري جه مش هيعجبك انت فاهم ولا لا
قالت كلماتها ونهضت من مقعدها بسرعه ولكن قبل ان تغادر الطاوله هتف لها امير بجمله هادئه ولكنها لم تصل لها كذلك ابدا : 14 عمارات ايوب العزيزي المنيل تحت العماره في محل عصير كده اسمو عبد المنعم الدور الرابع شقه 15 ده عنوان مراته التانيه واكمل وهو ينظر في ساعة يده : هو رايحلها انهارده الساعه 7 انا سمعته وهو بيكلمها في الموبيل ولو كلمتيه سالتيه رايح فين او اي حاجه تانيه هيقولك ان عندنا اجتماع مهم الساعه 7 ومش هيخلص قبل 10 عشان يعني ياخد راحته معاها
شعرت نيروز بالدماء تفور في رأسها و كادت تنفجر من شدت غلاينها ليهتف هو دون ان ينظر لها وهو يلتقط الكوب الخاص به يرتشف بعض القطرات : لما تروحي وتقفشيه ابقي قوليله ان جاتلك مكالمه من فاعل خير ها بلاش تقوليله ان انا اللي قولتك انتي عارفه انه صاحبي الوحيد وانا مقدرش علي زعله ومش عايز اخسره
نظرت له نيروز بغضب ولم تعلق علي حديثه بل اخذت نفسها وغادرت المكان بسرعه و جلست في سيارتها تحاول تجميع شتات نفسها و تنظم انفاسها بصعوبه لتلتقط هاتفها بصعوبه وتطلب احدي الارقام بانامل مرتعشه من شده الغضب لتهتف بعد لحظات : ايوه يا ساجد ازيك
ساجد علي الطرف الاخر بجمود فخلافهم الاخير لم يُحل بعد : كويس خير يا نيروز في حاجه
نيروز : لا ابدا انا بس كنت رايحه اقعد مع بابا و ماما انهارده شويه علي الساعه 7 كده فقولت اقولك يعني و يمكن تحب تيجي معايا بابا كان بيسال عليك
ساجد برفض : لا روحي انتي انا هبقي اروح لمروان بعدين
نيروز بريبه : ليه يعني ما تيجي معايا وخلاص مروحناش سوا ولا مره من وقت ما اتجوزنا
ساجد بانهاء للمكالمه : عندي اجتماع مهم في الشغل يا نيروز الساعه 7 مش هيخلص قبل 10
نيروز بصدمه من جملته : طيب يا ساجد علي راحتك .... قالتها واغلقت المكالمه دون استماع لرده و كادت ان تفقد وعيها من الصدمه قال مثلما اخبرها ذلك الشيطان تماما ايعقل ان يكون كلامه صحيحا لا والله لا يمكنه فعلها ابدا فهو يحبها تعلم ذلك .!! اقال متزوجا و لديه اطفال ايضا لا يمكن لذلك ان يكون صحيحا يالله تشعر ان عقلها سينفجر من كثره الافكار السيئه التي اتت به مره واحده يجب ان تتيقن من ذلك الشي بنفسها لابد من ذلك ستذهب هي الاخري في المعاد و لتري بعينيها الحقيقه التي تعلمها هي جيدا كاذب كاذب بالطبع كاذب لا يمكن لحبيبها ان يفعل ذلك الشي بها ابدا هي تعلمه جيدا وتعلم انه لن يفعلها ابدا او هكذا تمنت ....
______________________