عشقته رغما عني

اقتباس اعتذار😭❤

اقسم بالله وحشتوني بطريقه بشعه وحاسه اني مفتقده اخواتي واصحابي بجد ما بعدني عنكم غير الشديد القوي الكليه ربنا يحرقها يا رب 💔💔💔😭 بس انتو حبايب قلبي وهتسامحوني انا عارفه علي كل التاخير ده انا باذن الله هكمل في رمضان بس هيبقي فصل واحد في الاسبوع عشان ادي الشهر الكريم حقو باذن الله وبكره هنزل فصل جديد باذن الرحمن وهيكون فصل ملغم بالاحداث استعدووووواااا💥💣💣💣💣
هل هسيبكوا كده يرضيني لا طبعا 💔😂😂😂😂 دانتو حبايب قلبي ده اقتباس صغنن كده من احداث قدام اوي اوي في الفصول الاخيره عشان اطمن حبايبي بس بحبكوا في الله😍😍😍❤❤❤❤
________________
في فيلا درغام 
نجدها تصرخ بها بشده فتلك الصغيره قادره علي افقادها عقلها لا محاله يالله كيف تبدلت حياتها وكيف مرت السنون هكذا بتلك السرعه هي حقا لا تدري لتهتف بعد لحظات بغضب شديد وهي تحاول مراضاه الصغير من ناحيه ومن ناحيه اخري تحاول الامساك بها وهي تركض منها بسرعه : تعالي هنا يا زفته والله لو مسكتك هقطعك حتت واكملت لصغيرها محاوله جعله يكف عن البكاء قليلا : خلاص يا حبيبي عشان خاطري متعيطش والله لما يجي بابا هخليه يضربها علقه بالحزام بس متعيطش خلاص بقي واكملت بصراخ : والله لاقطعك يا خلفة الندامه انتي 
في ايه يا روبا بتصرخي ليه....تفوه بها فارسها بضحكه وهو يدلف من الخارج وقد عاد لتوه من العمل ليطل عليها بطلته التي تخطف قلبها يالله فحتي بعد مرور ثمان اعوام علي زواجهم مازالت طلته الرجوليه تخطف قلبها وترهق مشاعرها كادت ان تجيبه ولكن سبقها الصغير وهو يركض الي احضان والده ببكاء شديد ليهتف خالد بقلق : ايه يا حبيبي بتعيط ليه 
لم يجيبه الصغير ولكنه يبكي فقط بشده وهو يمسك ذراعه بتالم ويشير اليه ببكاء شديد ليهتف خالد بجديه : ساجد انا عايز اسمع صوتك اتكلم زي الرجاله
كاد الصغير ان يتحدث ولكن هتفت روبا بضيق : بنتك يا بيه هي السبب والله يا خالد لو مشفتش حل المره دي لاموتهالك كفايه دلع فيها بقي
خالد بياس : عضتو تاني 
روبا بغضب : كل مره تورم ايدو كده وتهرب تستخبي عشان مضربهاش انا تعبت منها ومش قادره عليها شوفلك حل بقي 
خالد : هي فين الهانم 
روبا وهي تضع يدها في خصرها بضيق : هربت واستخبت في حضن ماما زي كل مره عشان متتعقبش 
نظر خالد لذراع ابنه المتورم واثار اسنان صغيرته عليها بوضوح ليهتف وهو ينادي عليها بصوت جهوري غاضب : استبرق يا استبببببرق 
لحظات قليله ولم تاتي او تظهر من مكانها ليهتف بنبره تهديد واضحه : لو جيت انا خرجتك هزعلك اتفقنا...لحظات اخري وكانت تاتي وهي تمسك بيد جدتها بشده طفله اقل ما يقال عنها انها حوريه اتت من الجنه بتلك الملامح البريئه الرائعه وشعرها الاسود وقد ورثته عن والدتها وقد غطي ظهرها بالكامله رغم سنون عمرها الخمس وعينها كابريق العسل الصافي وقد اخذتها تلك من والدها وبالطبع بشرتها البيضاء وكرزتيها الصغيرتين كل تلك الصفات توحي بانها ستكون فتاه فاتنه الجمال وستتعذب كثيرا من والدها واخويها ولكنها الان لم تفقه لما اصفه بشي كل تفكيرها كيف ستهرب من تلك المعضله التي امامها تقدمت خطوات خائفه امام والدها الغاضب بشده وقد ارعبتها نظرته ودبت الرعب في اوصالها الصغيره ليهتف هو بشده : تعالي يا بنت هنا قربي 
امسكت هي في جلباب جدتها بشده وخوف لتهتف كريمه محاوله تهدائه الوضع قليلا : ايه يا حبيبي دول اطفال وبيلعبوا سوا متكبرش الموضوع 
خالد كأنه لم يسمعها فقد تدخلت كثيرا في تلك المساله وقد تغاضي هو عنها اكثر ويجب وضع حلا قاطعا لتلك المساله ليهتف بصوت جامد : مش بقول تعالي هنا 
كريمه : خالد عشان خاطري متنكدش عليها وحياتي عندك
خالد بجمود : لو سمحتي يا امي سبيني اشوف حل في الحوار ده عشان نخلص منو بقي واكمل بصرامه وصوت جهوري افزع الصغيره واخيها ايضا : تعالي هنا 
اقتربت الطفله منه بخطوات خائفه بشده لتقف علي بعد مناسب منه ليهتف هو بشده وهو يشير ناحيه قدميه : هنا يا استبرق قدامي هنا 
حاولت الصغيره الاقتراب وهي تنظر لوالدتها بخوف تستنجد بها ولكن الاخري بادلتها نظره غير مباليه رغم القلق الذي ينهش بداخله ان يتهور عليها فلن تتحمل هي ان يمد يده عليها تلك العصفوره ما عساها ان تفعل امام الصقر ولكنها امتثلت لاوامره و هتفت وهي تزيل شعرها من علي وجهها بكامل يدها الصغيره بطفوله : ايوه يا بابي
خالد بغضب : ايه اللي انتي عملتيه في ذراع اخوكي ده 
استبرق بخوف وهي تشرح له وتحرك كامل جسدها للتوضيح : انا شي علت حاجه انا ده هو هو عمل ساجد مش انا 
خالد وهو مازال علي غضبه : هو اللي عمل ايه انتي هتمثلي عليا دانتي سنانك معلمه علي دراعو 
استبرق وهي تضع باطن كفها علي فمها و تهتف بصوت يصارع البكاء بشده : هو والله بدا وخبا عروسه تاعتي انا ايش علت حاجه والله يش علت اي حاجه (انا معملتش اي حاجه والله مش عملت حاجه بس بس طفله يا جماعه😂😂💔)
خالد وهو يصارع قلبه كي لا ياخذها بين احضانه لتكف عن بكائها فهو لا يتحمله ابدا : اتكلمي من غير عياط عشان افهم
استبرق من وسط شهقات بكائها : والله هو بدا وخبا العروسه تاعتي 
خالد بصياح وهو يمسك ذراعها بشده يقربها منه اكثر بعنف افزعها والمها بشده لتهتف ببكاء متالم : اي اي والله بتوجعي اوي اوي هتتكسر في ايديك والله يا بابي هو غلط اول والله وعض نفسو
خالد بغضب من وسط دهشته: انتي  هتستعبطي يا بت  هو هيعض نفسو ازاي يعني وبعدين انتي كمان بتكدبي و حتي لو ده حصل تقومي تعضيه كده وبعدين انا مش منبه عليكي الف مره قبل كده متمديش ايدك علي اخواتك وقولتك ان ده اخوكي الكبير و لازم تحترميه حصل ولا محصلش 
حركت استبرق راسها ببكاء شديد علامه الايجاب وهي تهتف بصعوبه من وسط خوفها وبكائها : حصل....حصل واستبرق غلطانه انا اسفه والله اسفه ومش عضو تاني خالص بس مش اضرب استبرق يا بابي والنبي
روبا وقد رق قلبها لصغيرتها بشده وهتفت وهي تقترب منهم وتحاول اخذها من بين براثه : خلاص بقي يا خالد خلاص هي هتعتذرلوا وتبوس راسو ومش هتعمل كده تاني صح يا بوسي 
اؤمات الصغيره بشده وهي تحاول الافتلات من قبضه والدها وقد المتها بشده ليهتف خالد بصرامه : لازم تتعاقب علي اللي عملتو واكمل وهو ينظر لابنته التي تكاد تموت رعبا وهتف بجديه ووعيد شديد : شايفه الحيطه اللي هناك دي تروحي عندها وتفضلي واقفه وشك للحيطه و ذراعاتك الاتنين لفوق ورجل اليمين مرفوعه لمده ساعه كامله ولو نزلتي ايديك ولا رجلك الساعه هتتعاد من جديد
استبرق برعب وهي تتخيل كم الالم الذي ستتعرض له : لا والله والله رجل استبرق مش حمل(تستحمل) كل ده وذراعي اصلا يعني اصلا وجعني من امباح واكملت باسف وقد بدات في البكاء من جديد عندما وجدت نظرته الصارمه وملامحه الجامده : وااان ا نا كمان اسفه والله ه مم....مش اعمل كده تاني ابدا  والله اسس اسفه
ساجد بشفقه شديده وكاد يبكي علي بكاء اخته : خلاص يا بابا خلاص انا مش زعلان خلاص بلاش تتعاقب انا مسامحها 
خالد باصرار : ولو بردو هتتعاقبي امشي يا بت انجري علي الحيطه هنا والا والله يا استبرق الساعه هيبقي ساعتين وهتتمدي علي رجلك كمان  ايه رايك 
استبرق ببكاء شديد : حرام كده والله انا اسفه طي.....لم تكمل كلامها وقد وجدت نفسها ترفع في الهواء بسرعه وشخصا يركض بها بعيدا وهو يهتف بمزاح : جاء جاء لا تخافي يا صغيرتي لقد وصل العم المنقذ ليلحق الابنه الصغيره من براثن الاب المفتري 
نهض خالد من مقعده ونظر له بجديه واهيه وهو يمنع نفسه من الضحك بشده  علي مزاح صديقه حتي لا ينهي جديه الموقف بالرغم من تلك السنون ولكنها لم توثر به بعد مازال متمسكا بمزاحه الدائم و روحه المرحه ولم يتخل عنهم قط....في الحقيقه طالما حسده علي تلك النعمه فطالما تمني لو كان مثله لا يحمل هما لغد ولكن خلقه الله هكذا واحملته الايام اكثر.....جاهد الان ليهتف بجديه شديده : هات البت يا مروان 
مروان بصرار : لا مفيش بنات انت عايز تضربها ولا تعاقبها وعمها عايش ده ميحصلش ابدا  قال كلامه و هو يقبلها بحب قاصدا اثاره غيظه فهو يغير علي صغيرته مثلما كان يغير علي زوجته لحظه اقلت كان يغير !!! فلنتركها للقادم  
خالد بغضب : مروان مش بهزر هات البت احسنلك 
مروان : ولو ولو مفيش عقاب سماح المره دي عشام خاطري 
خالد وهو يبتسم ابتسامه مخيفه : ايه ده انت بتكسر كلامي يا مروان
مروان وهو ينظر له بريبه من رده فعله : يعني مش اوي علي حسب 
خالد بامر : هات البت هنا تحت رجلي
مروان وهو يزيد من احتضانها : لا يا عم حرام دي مش حملك وبعدين دي حبيبتي وانا هجوزها لابني 
نظر له خالد بغل وهو يهتف بغيره واضحه : ده بعينك انت وابنك لو طال ظفرها حتي ولاخر مره بقولك نزلها يا مروان 
حرك مروان راسه علامه الرفض ليذهب خالد الي الاريكه ويجلس عليها بارياحيه وهو يهتف بابتسامه مخيفه : طيب اذا كان كده بقي اتفضل انت وهي علي الحيطه وهتقف الساعه معاها 
مروان بعدم فهم : حيطه ايه مش فاهم 
استبرق بطفوليه وهي تدير وجهه ناحيتها وتهتف ببرائه شديده : يعني  (noughty wall ) نروح لل 
عشان نتعاقب ونقف هناك وشنا لل wall كده وايدينا فوق و رجلنا اليمين فوق بردك 
مروان بضحكه ولم يستوعب الحديث بعد : بردك !! انتي بتجيبي الكلام ده من....لم يكمل حدثيه بسبب ادراكه لما تفوهت به ليهتف بصدمه : ايه !!!! ونظر لصديقه بخوف وهو يهتف باستعطاف : خالد حبيبي انت انا مبقتش حمل الحاجات دي سني خلاص كبر حرام عليك انت صاحبي 
خالد وهو علي نفس ابتسامته : امشي يا مروان معاها حالا عشان تبقي تدافع كويس 
مروان : يعني يرضيك مراتي و عيالي يدخلوا يلقوني واقف كده اسيطر ازاي بعد كده
خالد باستهزاء : وانت كنت مسيطر قبل كده يعني 
مروان بتلقائيه : لا بصراحه 
خالد بعمليه : طيب يلا يا حبيبي علي الحيطه 
مروان بعناد واهي : قولت لا لا انا ولا هيا 
خالد بابتسامه مرعبه وهو ينهض من مكانه : يعني مضطر اقوملك انتي وهي 
مروان بسرعه : لا لا والله مانت قايم و نظر للطفله بغل وانها السبب
في كل ما حدث ولكنه هتف بضحكه يائسه عندما راي خوفها الشديد حتي يمتصه : اتفضلي قدامي وريني فين ال   دي(noughty wall) 
وعلي راي المثل اللي مربتوش الايام يربيه خالد درغام 
__________________

الاقتباس حلو اهو وخفيف وكوميدي عشان اخفف عنكوا اللي جاي لانو صعب اوي😩😩😩💔💔💔😂😂😂 
بحبكوا في الله 😍😍😍😍