توقفنا الفصل الماضي علي صاعقه وفاة رأفت الغامضه ياتري رده فعل روبا ايه وهتتصرف ازاي بعد كده
حضروا مناديلكوا عشان العياط للركب انهارده 😭
بحبكوا في الله 😍😍يلا بينا
______________
روبا بضعف شديد وهي تنظر له بترقب:بابا فين يا خالد
خالد:البقاء لله يا روبا عمي رأفت تعيشي إنتي
صرخ الجميع بصدمه وانتابتهم حاله من الذهول والبكاء والأخري تنظر له بزهول لتهتف بصدمه: مين إللي مات !؟
خالد وقد امتلائت عيناه بالدموع و أوشكت علي السقوط :البقاء لله يا روبا ده أمر الله
قبضت روبا علي ثيابه بعنف وأخذت تضرب فيه بيدها بكل ما اتت من قوه وهتفت بصريخ وهستريه :كداب كداب بابا عايش بابا مش ممكن يسبني أبدا لوحدي هو قالي انو مش هيسبني أبدا وأكملت بهستريا : هو هو ... الصبح حضني وقالي أنو مش هيسبني أبدا.....يعني ايه يعني الحضن ده كان بيودعني ها انطق!!!!! كان بيودعني .... طيب يعني انا هعمل ايه دلوقتي هعيش ازاي ولمين واضافت بضحك هستيري: قالي ان ماما وحشتوا يعني راحلها وسابني لوحدي لا هو هيرجع انت كداب انهت كلماتها و شرعت في لطم خديها بعنف و أميره وهبه يحاولون السيطره عليها دون جدوي اقترب خالد منها سريعا مانعا لها من إيذاء نفسها أكثر
روبا بصريخ شديد: أبعد عني أبعد أبعد يا بابااااا يا بابااا تعالي والنبي يا بابا متسبنيش لوحدي مليش غيرك وأخذت صرخاتها في التعالي واستيقظ الصغار علي صوتها في ذعر واخذوا يبكون بشده حاول خالد السيطره عليها ولكنها كانت كالمغيبه ولا تفعل شي سوي الصريخ باسم والدها الحبيب إلي أن سقطت مغشيا عليها حملها خالد ليصعد بها لأعلي صارخا بهبه: دخلي عيالك جوا حالا يلا
وصعد بها الي الطابق العلوي ووضعها علي الفراش بحذر وطلب الطبيب الذي اتي سريعا اليهم ليفحصها
خالد بقلق:طمني يا دكتور ارجوك
الطبيب:عندها انهيار عصبي حاد ايه اللي حصلها ده حد ضربها
كريمه بأسي علي حالها: لا يا دكتور دي والدها لسه متوفي والصدمه كانت شديده عليها
الطبيب بأسف: البقاء لله أهم حاجه متتعرضش لاي ضغط عصبي والحقنه دي تاخدها لو اتعرضت لاي انفعال تاني أحسن ما ندخل في مرحله أصعب من كده
اؤما خالد بالموافقه ورافق الطبيب إلي الخارج وعاد إليهم سريعا هاتفا بارهاق شديد :ماما أنا لازم أنزل هروح لبابا المستشفي وأكمل موجها حديثه لاخيه : أمجد انت خليك هنا مع أخواتك
كريمه ببكاء: أبوك عامل إيه طيب
خالد بحزن: هيعمل إيه ضغطو وطي وركبوله محاليل شويه وهيبقي كويس بإذن الله ادعولوا
وموجها حديثه لحسام :عايزك برا
اؤما حسام بالموافقه وخرج ورائه ليهتف بقلق :خير يا خالد في ايه
خالد :هيجي منين الخير يا حسام بس ...عمي رأفت اتقتل
حسام بصدمه: ايه اتقتل!! ؟
خالد بصوت يغلب عليه البكاء ولكنه حاول التماسك: اه و ملحقتوش يا حسام مات ومعرفتش احميه
حسام مواسيا صديقه :متحملش نفسك فوق طاقتها يا صاحبي ده عمرو ربنا يرحمه بس أزاي هو ليه اعداء لدرجه يقتلوه
خالد بحزن شديد :آه للأسف هبقي افهمك كل حاجه بعدين
حسام: طيب أنا هروح أتابع التحقيقات
خالد :طيب ماشي.. وأكمل بسرعه قبل أن يذهب : اه حسام محدش يعرف خالص بالموضوع ده واوعي حد يعرف وخصوصا روبا
حسام بموافقه:متقلقش يا خالد محدش هيعرف يلا بينا.......
_________________
أنت تقرأ
عشقته رغما عني
Romanceعشقها منذ النظرة الاولي... احبها كما لم يفعل من قبل و لكن.... هل كان لقسوته راي اخر ... ليس علي تلك الصغيره فقط بل علي جميع أفراد اسرته الكبيره المسوئل عنهم مسوليه كامله يخشونه قدر حبهم له احداث لا تنتهي ولكن في النهايه كانت تصب عنده ليحلها و ينال...
