صلوا علي الحبيب المصطفي صل الله عليه وسلم ...♥️♥️
_________________
متنسوش تعملوا فوت ( تصويت ) من النجمه اللي موجوده في اخر الشاشه علي اليمين دي وكومنت برايكم الجميل والمهم جدا جدا جدا لما تخلصوا قرايه ان شاء الله ويارب الفصل يعجبكم...♥️
_________________
توقفنا الفصل الماضي علي المواجهه بين روبا ونوح التي انتهت باصابتها بنزيف حاد وفقدها للجنين وعلي طلب امير الحقير من رغد ان تاتي باحدي الملابس الخاصه بنيروز اليه ... يا تري الدنيا لسه مخبيه ايه للعيله دي يلا بينا نشوف ....
_________________
كان واقفا بالخارج يتحرك ذهابا وايابا برعب شديد قدمه لا تقوي حمله يالله اذا حدث لها اي شي او ضرر سيموت لا محاله لن يستطع العيش لحظه واحده منذ ساعه او اكثر وهو يعاتب نفسه ويجلد ذاته علي فعله والهراء الذي تفوه به بدلا من ان يجلس تحت قدمها يطلب منها السماح والعفو لا تسبب في القاها في المشفي لحظات اخري مرت عليه عصيبه للغايه لتخرج الطبيبه المعالجه ويركض عليها نوح هاتفا بخوف شديد : طمنيني يا دكتوره ابوس ايديك
الطبيبه بتساول : انت جوزها
نوح : لا انا ابنها
الطبيبه بعمليه : هي كويسه جسمانيا واكملت باسي : بس للاسف النزيف اللي حصلها ادي ان الجنين نزل ؟!!
نوح بصدمه جعلته يترنح عدة خطوات للخلف من شدتها : انتي بتقولي ايه !
الطبيبه باسي : ربنا يعوض عليكوا ان شاء الله واكملت باستغراب : انت متاكد انك ابنها
نوح بعدم انتباه لها فكان في عالم اخر يفكر بتلك الكارثه التي وقعت علي راسه : هه بتقولي ايه
الطبيبه بنفي : لا لا ولا حاجه الله يكون في عونكوا ويصبركوا ان شاء الله بعد اذنك قالتها و كادت ان تتحرك من امامه ولكنه هتف بسرعه : ممكن ادخلها
الطبيبه برفض : لا مش هينفع دلوقتي هي منبها عليا انها مش عايزه تشوف حد خالص دلوقتي الا جوزها وانت قولت انك ابنها مش جوزها
نوح بتاكيد : والله ابنها هكدب عليكي ليه يعني
الطبيبه وهي تستعد للرحيل : لا لا مقصدش طبعا بعد اذنك قالتها ورحلت من امامه ليجلس نوح علي المقعد ورائه بصدمه لا يدري ما الذي يجب ان يفعله الان يشعر ان عقله توقف عن العمل لا يقوي علي التفكير لحظات اخري مرت ليمسك هاتفه و يتصل باول شخص اتي علي باله الان وهو في الحقيقه اخر شخص توقع ان يلجا اليه في اي من لحظات حياته ولكنه لا يعلم لما سيفعل : الو .. ايوه وعليكم السلام ورحمه الله ايوه يا ساجد
ساجد علي الطرف الاخر من المكالمه : ايه ده يا اخواتي انا في حلم ولا في علم نوح باشا بيكلمني بنفسه ده الموبيل بيزغرط والله من السعاده
أنت تقرأ
عشقته رغما عني
Romanceعشقها منذ النظرة الاولي... احبها كما لم يفعل من قبل و لكن.... هل كان لقسوته راي اخر ... ليس علي تلك الصغيره فقط بل علي جميع أفراد اسرته الكبيره المسوئل عنهم مسوليه كامله يخشونه قدر حبهم له احداث لا تنتهي ولكن في النهايه كانت تصب عنده ليحلها و ينال...
