عشقته رغما عني

اخر مره بجد هقول كده عشان قرفت بجد

السلام عليكم ورحمة الله وبركاته......
ارجو الكل يقرا الرساله دي ولو انا غلطانه يقولي....
طبعا قبل ما اتكلم الموقف اللي جاب اخري واحده كاتبه كومنت شتايم شتايم في الابطال تمام معنديش مشكله بس اخر الرساله تكتب وانتي واحده مش محترمه اصلا ومعندكيش كرامه
ومعقده وكاتبه فاشله اوعي تكتبي تاني يا فاشله
لا معلش يا جماعه الله يكرمكم انا انسانه والله انا مش ريبورت بيكتب الروايه يعني يا جماعه مش مسموح ابدا حتي يشتمني مش مسموح ابدا حد يقلل ادب معايا ابدا مش معني اني بسكت اني مش عارفه ارد لا انا بحترم الناس اللي بتابعني من كامل الاعمار من اصغر بنوته لاكبر ام علي دماغي من فوق بس ده مش معناه اني استحمل الاهانه ابدا ابدا ابدا ...
يا جماعه خالد درغام ده شخصيه خياليه من خيالي انا يعني مش حقيقي مش شرط يكون في انسان كده يعني ومش معني اني انا اللي كاتبه اني موافقه علي كل اللي بيعمله انا بتكلم عن شخصيه في مميزات وعيوب ومعلش بقي يا جماعه الناس اللي بتنتقد بحده اوي دي ومحسسني ان مفيش راجل بيتجوز علي مراتو يعني ولا في راجل بيخون مراتو لا وبترضي عادي ورجلها فوق رقبتها كمان ولا بالمحايله ولا بالمسايسه ولا باي مجهود ولا حتي بيكون عندو سبب غير فراغة العين ومش بيحاول يبرر ولا يراضيها لا انا حر وراجل ودول اللي موجودين كتير اوي اوي في مجتمعنا وخصوصا مصر والبلاد المجاورة اللي هو عجبك عجبك مش عجبك اخبطي دماغك في الحيط وهترضي بردو احنا في مجتمع شرقي مش في أوروبا وكفايه المسلسلات التركي اللي لحست العقول دي وده لا يعني ابدا اني بشجع حد يتجوز علي مراتو ولا بشجع ست تقبل كده كل واحده حره في حياتها وهي اللي تتحمل نتيجه أفعالها وفي النهايه يا جماعه دي قصه اقسم بالله وحيات امي وابويا ققققققصصصصصصصصصصصصهههههههههههههه
فالله يكرمكم اللي عجباه وعايز يتابع سواء بصمت او بتشجيع زي كل الناس المحترمه او حتي بيقول رايو السلبي والانتقاد باحترام اهلا وسهلا فوق فوق راسي اللي مش عجباه الروايه و شايف ان خالد راجل ابن كلب شيطان وفرعون وان روبا معندهاش كرامه ولا بتحب نفسها وكل الكلام ده بعتذرلوا القصه مش مناسبه لمستوي فكرك ومتبعيهاش
لكن اي نوع من الاهانه فعلا مش هسمح بيه ابدا واسفه لو طريقتي كانت حاده بس فعلا جبت اخري من الناس عديمه الزوق والادب.....
بالنسبه للانسانه اللي اتكلمت عنها فوق انا عملتها حظر ومسحت الكومنت منعا اني افقد اعصابي بسبب تطاولها المستمر.....
سلام عليكم ورحمة الله وبركاته........