انا مش عارفه بكتب البوست ده ازاي بس ده اخر بوست ليا هنا ....
انا بكتبو وحرفيا مش عارفه اشوف الحروف علي الكيبورد قدامي من كتر الانهيار اللي انا فيه ولا التعب النفسي اللي وصلت ليه بس كل اللي حاسه بيه اني بجد اسفه ليكوا واسفه ليا اسفه من كل قلبي اني علقتكوا بالروايه علي الفاضي ارجوكم سامحوني لو ليا خاطر عندكم ...
لو حد مهتم يعرف اللي حصل انا بقالي تلت سنين بحاول اطور نفسي في الكتابه وبحاول اعمل حاجه للروايه دي هي اول حاجه كتبتها و مكنتش اتمني تبقي اخر حاجه بس ... بس للأسف مصيرها كده الحمد لله لله ما اعطي ولله ما اخذ
انا صارعت كتير اوي عشان اخلي الروايه تتطبع ورقي بس للأسف كل ديار النشر رفضت لانها اتنشرت الكتروني قبل كده وموجوده علي النت وده مش مسموح بيه لو عايزه تطبعيها يبقي علي حسابك وبمبلغ مالي كبير اوي بكل حزن و اسف مش ملكي ....
حاولت وسعيت كتير انها تبقي عمل درامي وناس كتير اوي من القراء شجعوني علي كده بس للاسف بعد تعب شهور بردو معرفتش اوصل لحاجه وقالولي محتاجه واسطه للاسف انا بردو لا املكها و معرفش حد كلمت ناس ممثلين و منتجين بالهبل محدش رد ولا في اي اهتمام للمواهب الشابه كعادة بلدي العزيزه للاسف اللي معندوش واسطه بيداس بالرجلين لحد من فتره حوالي سنه ممثل كبير رد عليا وقالي انو هيساعدني بس طنشني ومعملش حاجه بعد ما فضل يعشم فيا شهور و شهور وفي الاخر كسرني بتجاهلو حاولت اوصل لغيرو وصلت لواحد تاني وده ما شاء الله عليه جاب القاضيه عليا قالي ايوه فين فكره الروايه يعني !!! فين الجديد تخيلو كده لما تفضلوا تتعبوا سنين وفي الاخر يجي شخص واحد بجمله واحده يدمر كل احلامكم ومحدش يقولي مش من اول ضربه تقعي لا يا جماعه والله ما اول ولا تاني ولا عاشر حتي وكل اللي متباعني من زمان عارف ده كويس الكتره للاسف غلبت الشجاعه انا حرفيا الاحباط والياس اللي حاسه بيه دلوقتي عامل زي الحجر علي صدري ومش ببالغ في ولا حرف ربنا اللي يعلم بده ....
اكتب ليه ولمين ليكوا انتو علي راسي والله بس للاسف مفيش اي تقدير حتي منكم الالاف بيقروا وعشرات بيتفاعلوا انا بكل اسف بعلن فشلي وانسحابي وبهني الممثل ده برافو عليك قدرت تدمر حلم انسانه ببساطه بجمله عابره منك ....
انا اسفه ليكوا اسفه لكل بنوته بتحب الروايه
الروايه بالكامل هتتسمح من كل مكان في السوشيال ميديا هتختفي وانا هختفي معاها ....
شكرا لكل واحده منكم انتو اخواتي وعلي راسي واسفه مره تانيه ارجوكم ادعولي اني اقدر اكمل وانا من غير حلم ولا هدف ادعولي ربنا يخفف عني الهم اللي انا حاسه بيه دلوقتي حرفيا كارهه كل حاجه في الحياه حتي نفسي ادعولي كتير بالله عليكم ولكم المثل اضعاف يا رب مش هنساكم ابدا واتمني متنسونيش وافتكروني بدعواتكم دايما انا والله في أشد الحاجة اليها ....
والسلام عليكم ورحمه الله وبركاته ...
دمتم احبائي في الله ...
أنت تقرأ
عشقته رغما عني
عاطفيةعشقها منذ النظرة الاولي... احبها كما لم يفعل من قبل و لكن.... هل كان لقسوته راي اخر ... ليس علي تلك الصغيره فقط بل علي جميع أفراد اسرته الكبيره المسوئل عنهم مسوليه كامله يخشونه قدر حبهم له احداث لا تنتهي ولكن في النهايه كانت تصب عنده ليحلها و ينال...
