عشقته رغما عني

part 27💜

بنات ازيكوا حبايبي معلش اتاخرت عليكوا بس لسه مخلصه كتابه والفصل كمان مش متراجع يعني ورقه وقلم وعدوا الاخطاء الاملائيه😅😅😅 بس ان شاء الله يعجبكوا ودلوقتي جه معادنا مع الفصل السابع والعشرون من عشقته رغما عني بحبكوا في الله❤
_____________

توقفنا الفصل الماضي علي تخطيط يحيي للانتقام من روبا بالرغم من مصالحته الواهيه لها وظهور اخوه لمروان في ظروف غامضه بشده يا تري القدر لسه مخبي ايه لابطالنا يلا نكمل نشوف.....❤
__________________

ذهب خالد ورائه بعدم فهم ولكن بداخله شعور انه ليس خيرا علي الاطلاق ووصلا الي مكان خلف الفندق ليجد المكان خاليا الا من اثنين فتاه وشاب من الواضح عليهم انهم في اوائل العقد الثاني من عمرهم ليهتف بنفاذ صبر: بابا ممكن تفهمني مين دول وايه اللي بيحصل هنا

الشاب بابتسامه: اكيد ده خالد يا انكل حسن مش كده

حسن: اه هو يا عمر هو

خالد: هو ايه يا بابا مين ده

الشاب: انا عمر ودي اختي علياء

خالد بضيق شديد وقد نفذ صبره: اهلا وسهلا يا سيدي مين انتو بقي

عمر بابتسامه: ما قولتك يا بشمهندس اسمي عمر....عمر الشافعي

خالد بعدم استيعاب: بتقول ايه

!عمر: ايوه احنا اخوات مروان من الاب

نظر خالد له بصدمه ولكن سرعان ما تحولت لضحكات ساخره مستهزئه اثارت القلق في نفس والده وفي نفس الشاب ايضا فقد ابلغه حسن قبل ان ياتي الا يحاول اثاره غضبه او استفزازه حفاظا علي نفسه من جنون ابنه الذي يعلم انه اذا اصابه لن يكون خيرا ابدا ولكن مثلما ظهرت فجاه اختفت فجاه وهو يهتف بصرامه شديده: مين اللي بعتكوا يلا عشان تعمل التمثليه الخايبه دي

عمر باستغراب شديد: انا مش فاهم حاجه باعت ايه و تمثليه ايه

خالد بجديه: بص يا حبيبي الشغل ده تروح تضحك بيه علي حد غيري وامشي من هنا وخد اختك دي معاك دا اذا كانت اختك فعلا ومشفش وشكوا تاني ده عشان مصلحتكوا يعني

عمر بهدوء فقد توقع رده فعله تلك: لازم تفهم يا بشمهندس اننا مش نصابين ولا بنمثل زي ما قولت احنا جايين هنا عشان اخونا وبس

خالد وقد بدا في فقد اعصابه واصبح التحكم في هدوئه صعبا للغايه: مش هقولك تاني امشي من هنا وقول للي بعتينك انهم قدام اوي ويختاروا تمثليه اجدد شويه يضحكوا بيها علينا

عمر: بس انا مش بمثل ولا بكدب دي الحقيقه

امسك خالد تلابيبه بعنف مما اضطر اخته للتدخل ومعه حسن ايضا ولكن خالد سبقهم وهو يهتف بصوت مرعب: اسمع يلا انا كلامي مبحبش اعيدو لو شفت وشكوا تاني هنا هقتكلوا انتو فاهمين