السلام عليكم ورحمة الله وبركاته ...
الاول طبعا كل سنه وانتو طيبين بمناسبة بدايه العشر الأوائل من ذي الحجة و اقتراب عيد الاضحي المبارك ربنا يجعله عيد الفرح والفرج علينا جميعا اللهم امين يارب العالمين ...
تاني حاجه انا مش عارفه اتكلم اوي ولا في كلام يعبر عن شكري وامتناني لربنا سبحانه وتعالى اولا و ليكوا ثانيا انكو جمبي وفي حياتي انا بجد بحبكم كلكم اوي و لساني عاجز عن شكركم انا قريت كل تعليقاتكم و محفوره في قلبي و في عقلي شكرا بجد لكل واحده قالت كلمه حلوه و شكرا لكل واحده حاولت تتواصل معايا انا بحاول ارد علي كل الرسايل اللي جتلي بس كلكوا علي راسي من فوق ....
بالنسبه للناس اللي دخلت تشتم فيا و اني مستهتره ومعنديش دم !! واللي بيقولوا اني بعمل شو عشان الم تفاعل و تعاطف الناس وخلاص !! ربنا يحطك في اللي انا فيه بكل ما فيه ووقتها هقولك بلاش شو او ربنا يشفيكم وخلاص بس عموما كل الناس دي هتاخد بلوك ان شاء الله افوق بس كده و مش هديهم اهتمام حتي وارد عليهم اي حد تجاوز حدوده او غلط بشكل مباشر او غير مباشر همسحه تماما هو و رأيه ....
بالنسبه للناس اللي قالتلي مش من اول ضربه تقعي وكده انا مقدره مشاعركم بس دي مش اول ولا تاني ولا تالت ضربه يا جماعه ربنا اللي عالم انا بحارب ازاي عشان اقدر اكتب فصل واحد ومش محتاجه افضل اقول ده كل شويه ....
بالنسبه للسوال الاهم لمعظمكم الروايه هتكمل ولا لا انا قراري كان واضح ونهائي اني مش هكمل في مجال الكتابه ده نهائي بس انا مش حره حاليا في ورايا ناس جميله زيكم اتعلقوا بالروايه وبالاحداث حقهم عليا اني اكملها للاخر وبعدين اكتب تاني او لا دي حاجه في علم الغيب وزي مانا مقبلش علي نفسي حاجه زي كده مقبلهاش عليكم طبعا الروايه هتكمل ان شاء الله امتي في الاغلب هتبقي اول يوم العيد ان شاء الله انا بحاول استغل الكام يوم دول فيهم بركه واقرب من ربنا وان شاء الله الله احاول استغل الوقت واكتب كام فصل يبقوا جاهزين عندي وابسطكوا في العيد 😂❤ بس البوست ده في الاول والاخر شكرا بجد انتو اغلي واجدع اخوات ربنا ما يحرمني منكم انتو اخواتي بجد شكرا لكل واحده خدت من وقتها وكتبتلي كومنت عشان تهون عليا و تشجعني انتو بجد سند ليا ❤
بحبكم في الله جميعا 💛
أنت تقرأ
عشقته رغما عني
Romanceعشقها منذ النظرة الاولي... احبها كما لم يفعل من قبل و لكن.... هل كان لقسوته راي اخر ... ليس علي تلك الصغيره فقط بل علي جميع أفراد اسرته الكبيره المسوئل عنهم مسوليه كامله يخشونه قدر حبهم له احداث لا تنتهي ولكن في النهايه كانت تصب عنده ليحلها و ينال...
