سلوااان ... سلوان .. ( نقزتني في يدي )
** شنو !
__ هو شنو الشنو ! سارحه وين انتي ! ملحي للاولاد ديل منتظرين الاكل !
** اي اي هو جاهز !
__ في شنو يا بتي ؟ (سمعت صوت رقيه بتبكي )
نكمل بعدين ، انا بمش على البت دي ، ملحي يل للااولاد ديل خلي الياكلو !
** طيب طيب !!
#جانب_عزو !
#مكالمة ..
ما عارف .. بس كل ما تقرب ايام العرس بحس بي احساس غريب ! في حين ان كل حاجة حاصله انا سعيت ليها و بي رغبتي !
اغلب الوقت كنت بسرح في حاجات غريبه و ما مفهومة ! في اوقات مفروض يكون بالي فيها مشغول بي حياتي و امور زواجي ..
لانه في عز جوطة تسنيم اختي و البرود اللي كانت شايفاهو فيني انا فجأة اتذكرت بت القريه ديك ! والليله ديك .. ما فارقت بالي من وقتها و دايماً كنت بسأل عن حالها و الحصل معاها شنو ؟
كنت بربط نفسي بي حياة الناس و ما عارف الحاجة دي ليه و اذا كويسه ولا لا .. ونفس الشي بفكر في الورقه المعاي ! احساس انه همي انا ! **قاطعتني مكالمة ندى !
** هلا ندى ! كيفك ؟
__ هلا !! ... و ندى !! امم غريبه ، حاصل شي ؟
** لا ابداً ليه ؟
__ ما ملاحظ حاجة يعني ؟
** ندى قولي كلامك طوالي عليكي الله !
__ يعني ردك لي بارد و عادي ، و بتناديني ندى و اخر مكالمة لينا كانت بي اسلوب غير عن دا بس !
** اهااا ( زعلت من نفسي شديد لانه الحاجة لمن تكون م طالعه من القلب ، مصيرها تتحس و تتعرف بالجد المجاملة في اي شي غير مقبوله و خصوصاً المشاعر ) معليش !
__ على شنو معليش ؟
** على اي شي ..
__ اممم طيب اتصلت عشان اقول ليك زميلاتي ف الجامعه عاملين لي حفلة DJ صغيرة كدا بكرة بدل الحنه اللي اصلا م حنعملها !
** طيب ما قصرو !
__ !! دا كل كلامك ؟
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...