#سلوان_بتحكي :
بعد نزلت من عزو ، جيت داخله المحل ! لقيت حسن قاعد في مكاني !! اتخلعته ، و عاينت لي اريج لقيتها صارة وشها ، و محمد مستاء كدا و امجد عيونو رايحه جايه زي مساحات العربيه !! عرفت ان الجاي ما ممطن ! فا قلت :
** السلام عليكم .. " و كملت مشي داخله لي جواا "
حسن : " عارفه اني حا اوقفك فا مفروض تقيفي من نفسك " الحاصل شنو ؟
** بالنسبه لي شنو ؟
حسن : بالنسبه للحسابات الملخبطه دي و الدخل بتاع امبارح ما حصل مر على تاريخ زنوبيا ! دي المسؤليه الشايلاها ؟
** الحصل انه #قاطعني_بصوت عالي !
حسن : الحصل انه .. انه شنو يا استاذة ؟؟ فضيحه حصلت في المحل قدام الزباين و حضرتك خليتي الكاشير و الشغل و الزباين و طلعتي قبل ساعات الدوام تنتهي ؟
**ممكن من فضلك ما ترفع صوتك علي ؟ و بعدين انا بقدر اتحمل نتيجة اغلاطي و اعالجها بطريقتي !
حسن : تتحملي نتيجة اغلاطك ؟ انتي قايله الشغله لعبه ولا كيف عشان عايز افهم و بعدين يا ريت امورك الشخصيه ما توصليها لي مكان شغلك لانه النتيجة انتي ما قدرتا و ما تقولي حعالج الحصل بطريقتي عشان انتي ما حتقدري تعملي اي حاجة ؟
**اي ما بقدر اعمل اي حاجة ! لاني بقدر اعمل كل حاجة .. و بالنسبه لي اموري الشخصيه دي انا افضل اني ما ارد عليها !
حسن : بتقدري تعوضي خسارة يوم كامل ؟
** ايوا بقدر ! " عاينت لي محمد و قلت ليهو " محمد ! شكراً ليك بالنسبه للجهاز ! "عاينت لي امجد و قبلته وشي منو " !
انا حطلع على المحل التاني ! برجع الساعه 2 !!
حسن : المحل التاني دا الليله ما يومو ! حسب البعرفو عندك يومين في الاسبوع ! و كان امبارح المفروض ولا كيف ! اتفضلي على شغلك !! و طلع سجارتو و فات ...
محمد " عاين لي امجد " : عيب عليك والله !
امجد : محمد ! اسكت مني !
محمد : اصلاً انا ما داير كلام مع واحد زيك !! اريج تعالي .. سلوان اقيفي عايزاك ..
"قعدو في التربيزة الجوه "
سلوان : بسرعه يا محمد زمن مافي !
اريج " بتعاين لي امجد و تحدر ليهو " : كريه خلاص ! متين بقى كدا ! بالله زي المشاطة مشى لي استاذ حسن حكى ليهو كل حاجة !!
سلوان : اريج ! انسيهو و خلينا نزكر في شغلنا و حسن م قال حاجة غلط !
محمد : عاينو " ماسك التاب حق المحل " دي صفحتنا كان عملتها في الفيس السنه الفاتت و ما اهتميت بيها و امبارح دخلته بالصدفه لقيت عليها متابعات كويسه و كمية اسئله !
سلوان : وااو يا الرهابه !! بس بس محمد عرفتك بتفكر في شنو ياخ انت رهيب عديل !
محمد : هههه ، بس فا الحيحصل كالاتي عشان نعوض دخل امبارح حننزل اعلان اسي داا على المقترح اللي كان مفروض ينزل امبارح !
سلوان : بس انا امبارح ما استلمت اوردرات ! " استياء " دا غير حسن رفض يخليني امشي المحل التاني لاني ما تابعت معاهم من امبارح !
اريج : بالتلفون .. م صعبه !
محمد : اي و قصة الاوردرات سهله نبيع مباشر و نستلم لي يوم بكرة ! فا حطلع ارش برا و ازبط القعدات برا !
اريج : و انا حا اساعدك ي محمد اصلا الزحمة بتبدا من العصر ! حغير المفارش كان في وحدات طولو في المخزن ما استخدمناهم !
محمد : طيب كدا كل شي بقى مرتب فضل الاعلان محتاج صورة للمقترح حق الشيزكيك !
سلوان : صممتو على التلفون كان ! افتح بلتوث ..
محمد : طيب ... حماس ياخي !
اريج : حنغير بالينوفورم التاني دا انتي م شفتيهو في المخزن !!
سلوان : طيب اتفقنا .. يلا زبط انت يا محمد و انا حا اغير و اتصل على عم اسماعيل .. يلا يلا مشينا !! محمد قبل نمشي عاين ، شفته رنة تلفونك ؟ عندك منها الاغاني دي ؟
محمد : ايييك ردوم ، بس قولي يا اغاني هههه
سلوان : خلاص السماعات الجوا دي شغاله ؟
اريج : اي شغاله اظن !
سلوان : خلاص اذن بعد تزبطو برا نفتحها ..
اريج : شكلو حيكون يوم رهيب شديد يلا يلا ..
أنت تقرأ
شارع ال60
Cerita Pendek#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
