" بعد ساعات من الونسه "
تسنيم : حموودي تعال هاك كيك !! تعال ..يا ولد تعال .. شوف اخوك شاطر كيف و بيسمع الكلام !
اسامة : اهاا يا عزو ! متين حتسافر ؟
عزووو .. هي " لكزني " سرحان وين ؟؟
** لالا معاك ما سرحان ! قلت لي شنو ؟
اسامة : حتسافر متين ؟
** اتكلمتا مع الطيب مفروض يا السبت يا الا احد لانه منتظرني و انا ما عايز ااخرو زيادة من كدا !
تسنيم : طيب و ندويه حتجهز ليها من هنا ولا كيف !؟
** لا من هناك ! كلها مسألة زمن !
ندى : ربنا يصبرني " بي ابتسامة " !
خالة ندى : بيت خالتك مفتوح ليك دايماً و ابداً حبيبتي انا ، تقعدي معااي انا لمن راجلك يجهز امورو ان شاءالله !
ندى : اكيد يا خالتي !
تقوى : كان بترضى القعده معانا ، نتلما كلنا في بيت امي اصلاً قاعد ساي و بعد دا الاولاد حيأجزوو!
ندى " بي تهرب و مركزة مع عزو " : كدي شيلتوني الهم ههه لمن الوقت داك ربنا بيسهلها !
تسنيم : والله الكيك حقكم دا مبالغه عديل كل ما اقول دي اخر لقمة ما بقدر هههه !
ندى : هههههه بالعافيه ( عاينت لي عزو و قالت ليهو ) : اهااا شفتا ! اسي لو كان جبت من اي محل تاني م كان عجبهم !
تقوى : النصيحه مبالغه .. المحل دا مكانو وين يا ندى ؟
ندى : ما بعرفو والله عزو جابو لي ! بس اظن مكتوب في البوكس حقهم !
تقوى : عزززو يا السارح ! عاد انت الليله ما براك !!
** ما سرحان والله بسمع في كلامكم !
ندى : بتسأل من عنوان المحل حقهم وين ؟
** ( بي توتر ) : الرئيسي شارع ال60 !
ندى : ااي و محلهم اسمو زنوبيا !
** ( عاينت لي ندى بي خلعه من غير م احس بي نفسي حتى هي لاحظت لي ، لمن كملت كلامها و قالت ) :
ندى : مكتوب على البوكس حقهم !!
تسنيم : خلاص يوم نسوق الاولاد و نمشي !
تقوى : طوالي والله ... هووووي اهااا " قامت و بتصلح في توبها " بعد دا ودعناكم الله يا ناس ، الزمن فاات !
عزو : شنو يا تقوى ماشين وين ؟
تسنيم : ( قامت) اكل و اكلنا شاي و شربنا و كيك و اكلنا تاني شنو هههههه ..
ندى : والله مونسني ياخ عليكم الله اقعدو !
تقوى : بنجيكم مرة تانيه ! و انت كلمنا قبل تسافر عليك الله يا عزو !
أنت تقرأ
شارع ال60
Historia Corta#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
