" بعد عمتي جات لقتنا لسه ما لبسنا ، طلعت من مدثر مشيت لبست لي طقم من الكان اشتريتهم طوول ديك ، و احمد طلع جاب لينا امجاد حق اخو صاحب شريكو في المطعم ، وصلنا لحد بيت ناس خطيبتو ،، انفصلنا طبعاً من الرجال و دخلنا حتت الحريم ، زي برندة كدا حديثه فاتحه على الحوش ، مُبلطنها مربعات عادي ، فيها تلاته سراير مفروشات بي ملايات بني فاتح اقرب للعسلي ، و مروحة الاستناد الماخدة زاوية جانبيه بحيث ان هي تصل للكل ، موازية كنبة و كرسين جلد نمر بني بي بيج كافيه ماخدين جانب بعيد عن السراير بي تربيزة قزاز متوسطاهم مختوت فوق ليها بونبنيرة قزاز شفافه عاكسة قسطير الحلاوة الجواها ..."
قاعدين انا و سهام في سرير و امي و عمتي في سرير ، و و حبوبتهم في السرير التالت و جمبها على حسب نظرتي انها ام العروس و خالة العروس كانت جارة كرسي بلاستيك ابيض ، قريبه لي ناس امي مُشتدين بالونسة و التعارف ، لحد ما جات وحدة داخله علينا شايله صينية فيها كبايات البيبسي الزمان ديك بي الجك بتاعهم ازرق في احمر ..
نزلت الصينيه في التربيزة و سلمت علينا بالدور و مشت قعدت في الكنبه !
النخيل : ماشاءالله دي العروس ؟؟
خالتها ردت : لالا ههه دي رزان بتي ماشاءالله بي ولدها لكن مع وابوه بهناك في الصالون !
رزان ردت لي النخيل : الله يسعدك يا خالة
صغرتيني والله ههههه ما طاهر فيني اني والدة ههه !
النخيل : ماشاءالله يا بنيتي الله يحفظك !
ام العروس : البت دي وينا بتعمل في شنو يا رزان ؟؟
{ م تركزو في الشخصيات دي }
" رزان كانت قايمة كدا ، رجعت قعدت و قالت " : جات هدي ليهاا ...
" شيماء جات داخله بي فستان كبدي بسيط لا تُزكر تفاصيله و طرحه شيفون محجبه طقمو ، و معاها اختها الكبيرة ، جات سلمت عليهم لمن جا دور التايه ...
التايه " تبوس و تحضن فيها ": الله يحفظك يا بتي ان شاءالله !
شيماء : تسلمي يارب .." مشت قعدت جمب رزان و اختها الجات معاها اترصو في كنبه وحدة والونسة دورت "
النخيل : اللهم بارك ماشاءالله تبارك الله ..
" التايه تلكز في النخيل بي كوعا " : اتي سهام دي مالها تشيل وتطبق في ورقة الحلاوة كدي كان تنضم مع البنيات ديل ! كان هي ولا التانيه اجمبها !!
النخيل : وطي صوتك !! " تهز في رقية "
"سلوان قامت مشت على امها : اديني رقية ارتاحي شويه .. " شلتها و رجعته مكاني "
رزان : ماشاءالله دي ما بتك صح ؟؟ لانه شكلك صغيرونه !
سلوان: بت اخوي " ابتسمته " !
رزان : ماشاءالله و انتي اخت احمد ؟؟ " لي سهام " !
سهام : ايوا انا اختو ! " بي اختصار و ابتسامة باهته كدا ". !
الشيماء : انتي الكنتي خطيبة احمد ؟؟؟
" الكل اتخلع و بقى يعاين فيها وفيني "
سهام : اااي ياها سلوان بت عمتي النخيل " قالتها بي فم مليان "
سلوان : " بي تنبيه و تشديد " ! سهاااام !!!
سهام : في شنووو مالك كذبته في حاجة انا ما صحي ؟؟
التايه " تحدر في سهام " : كح كح كح .. حي يا الله اتشرقته ... " اتناولت كباية المويه " !
أنت تقرأ
شارع ال60
Historia Corta#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
