#زنوبيا :
{ جانب محجوب و علي براهم في الدور الثاني }
محجوب " ماسك الاوراق بيقرا فيها "
محجوب : طيب ما فاهم ليه ختو لينا شرط زي دا ؟ في حين انه انا و انت حنكون المالكين للمحل !!
علي : طيب ممكن تركز معاي ؟
سلوان انسانه موهوبه شديد و حنعبر بيها ! و الشرط دا انا ختيتو هما ما فرضو علينا اي حاجة !
محجوب : بس انا ما بجبر سلوان على حاجة هي ما عايزاها !
علي : اسمعني لااخر القاليك منو هي ما عايزاهو ؟؟ شوف يا محجوب ما قصة اغراء ليها او ان هي زولة ماديه ، لا ابداً انا قصدي حاجة تحفيزيه ليها ، لمن تحس نفسها المسؤله و ما مجرد موظفه و في اي لحظة ممكن انها تخلي زنوبيا وقتها حتتشجع و حتبدع ، يعني ابسط مثال عندك انحنا وقت اتعاقدنا معاكم معليش يعني عشان نكون واضحين ، وقتها اتعاقدنا معاكم على حسها ! و بعدها طوالي حصل ركود و مافي اي جديد قدمتو لينا و لا للمحل !
يعني شوف جمال الكيك حق امبارح ! بالجد حرام انه يضيع كدا ، انا كل العايزو انها تستفيد البت دي ما عارفه قيمة الموهبه والامكانيات اللي عندها !
و هي بتحبك و بتسمع كلامك فا لازم تطلب منها انها توقع على العقد داا بي طريقتك !
عشان لمن نفتح الفرع التاني ، نفتحو على ثقه ان عندنا الجديد اللي ممكن نقدمو للناس !
عرفته ليه ؟؟
محجوب : فهمتك تماماً ! حالياً اللي مفروض يحصل شنو ؟ و حسب الشايفو ان المخطط دا على مستوى عالي و مبلغ ضخم شديد !
علي : ما تشيل هم حاجة طالما المخطط عجبنا ! القروش و كدا كدا دفعنا ليهم القسط الاول 60% ال50% منك و ال10 مني، و ال40% حدفعا انا كلها ، و اللي هي حنقنع بيها سلوان بس في الاساس حدفعها انا كلها بعد الاستلام !
محجوب : ايوا فهمته فهمته .. انا بعد المبلغ دا بقيت قاعد على الحديده حاليا ههههه ، الناس ديل مضمونين صح ؟
علي : دا كلامك ؟؟ اي نعم هم عن طريق مُهيد بس واثق فيهم و عارفهم و الدفعتو حيرجع ليك بالزيادة ان شاءالله ! !
محجوب : على بركة الله ... ان شاءالله ...
#جانب_سهام !
" تلفونها بيضرب "
سهام" في المطبخ " : ردي يا عمتي و لا يا يمة انا ايدي ملانه مويه !
النخيل " فنت التلفون للتاية في الرير التاني " : هاك ردي !
التايه : يا سهااام امسكي الشي دا ما بيرد !
" سهام جات"
سهام : دا احمد اخوووي .. #ردت و فتحت الاسبيكر !
سهام : احمد ازيك ..
احمد : الحمدلله كيفكم انتو و امي كيف ؟
التاية : وحاة الله راااااايقين يا وليدي ، خبرك اتا كويس ؟؟
احمد : والله ماشاءالله دامك رايقه ! شبكتكن زاتا سمحة الليله ماشاءالله !
سهام : هاها شبككة السرور !
احمد : يمة اسمعيني ! سهام اديني ليها !
سهام : اصلا السماعه فاتحه تراها سامعاك هي انضم ساكت !
التايه :اهاااا سامعاك انضم هاه !
احمد : يمة تتذكري الشيماء ! قريبه حواية ست الخلوة ؟
" التايه فزت انعدلت في نص السرير "
التايه : بالحييييل !
" سهام اتلصقت في التلفون "
احمد : بدورها على سنة الله و رسولو و وصلت وليانا بالتلفون ! كان نمشي ليون " صوت رقية بتبكي " .. يمة اتو وين ؟؟؟
سهام : انحنا في حوش عمتك النخيل !
احمد : بسم الله !! جيتي اتي وامي ؟؟
التايه : " خبطتك ، في كتف سهام " زحي كدي خليني اعرف انضم مع اخوك ! كدي اتا اسي كلامك دا جد ؟! الشيماء السميحه ديكي ؟؟ " ايووووووي يوووووووي يوووي" وحاة الله ردتها ليك من جوا قلبي دا ! يعني البنيه رايداك كدي ؟؟؟
أنت تقرأ
شارع ال60
Historia Corta#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
