الطيب " التلفون وقع من يده بي صدمة عاين لي و قال لي " : قلت انت ومنو ؟
مالك : انا و سلواااااان .... " عيني في تلفون الطيب الكان ظاهر في الشاشه جاري الاتصال و هو واقع في الارض .. مُقاطعنا صوت نور اللي كان طالع من السماعه بي ..الوووووو .. الطيب ..الووووو .... دا ما بيرد مالو بسم الله ..الطيب الوووو .."
الطيب " بقى مسهم فيني و بعاين في اتجاه واحد و فاتح خشمو "
قلت ليهو : في شنو ؟؟؟ الزوله دي في الخط ! هيي !! " رفعت ليهو يدي محركا قدام عيونو و اتناولت التلفون من الارض ! و مديتو ليهو و انا بقول ليهو " :
مالك : مالك انت يا زول في شنو ؟
الطيب " مُنتفض ، مد يده على التلفون بيعاين للشاشه البقت فيها كسرة " :
الو ... اي يا نور ! " زحا بالتلفون على بُعد كم خطوة من جمب مالك الكان بيهبب في النار ، و عاين لي الطيب المان متحرك بي توتر كدا ، و بيعاين للشواء ، مبتسم بالانجاز حق عشا الضيوف و هو مُترقب النار .. ! "
#الطيب
نور : صوتك مالو !
الطيب : انتي مشكلتك شنو ؟
نور : بسم الله يا الطيب كيف يعني ؟
الطيب : ليه بتفهميني و بتحسي بي كدا يا نور ؟ ما هو انا ما فاهمك انتي كيف كدااا ؟
نور : براحه طيب يا الطيب دي ما حاجة تخليك تنفعل كدا ! قول بسم الله و وريني المعصب بيك كدا شنو ؟
الطيب : اسف بس ... اااا بس ا اعصابي بايظه شويه !المهم الليله عند مالك في مناسبه بسيطه ، ندى انتي بتعرفيها بي اعتبارو زواج مبسط كدا كان مفروض اكلمك من امبارح بس اتلهيت!
بتقدري تجي ؟؟
نور : مع اني ما فاضيه بس ضروري اجي و ضروري نتكلم ! عشان لازم اعرفك مالك انت !
الطيب : تمام ...#قفل !!
ختيت تلفوني في رجلي و قعدت في اقرب حجر عالي من الارض ، و بقيت بعاين حوليني ! بعاين في الناس في ضحكاتهم العاليه في فرح العرسان !!
سبب واحد يخليني اعكر صفوهم مافي !!! و بعدين انا جنيت ولاشنو ؟؟
يعني السودان دا كلو مافيهو غير سلوان وحدة ؟؟
بسم الله فوق يا الطيب ، الناس دي ياداب مسكت درب الاستقرار مافي داعي تنكد عليهم قصه م ليها اي اساس او اي فهم ..
و اصلاً انا قلته تاني ما حا اتدخل و ما لي اي حق اتدخل في حاجة ما ليها اي صِحة او مجرد ربط ساي و اخسرهم بي سوء فهم اوففففف
أنت تقرأ
شارع ال60
Storie brevi#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
