#جانب_عزالدين ..
#الشارع !
" جوا العربية "
عزو " خاتي تلفونو في اضانه " :
ايوا يا مالك .. انا برا ! #قفل
" بعد دقايق "
مالك " فتح الباب و طلع ليه برا "
" عزالدين نزل من العربيه ، سلم عليهو "
مالك : تعال نقعد هناك !
عزالدين " مشى معاهو على مسطبه الشباك حق واحد من شبابيك البيت ، قعدو و فضلو ساكتين "
مالك : احكي ! سامعك ..
عزالدين : اعمل شنو وريني ؟؟
مالك : انا ما عارف انت قصدك شنو بالضبط من سؤالك و لكن حا ارد على الدايرو انا !!!
اعمل انك ترجع عزالدين الكان قبل سنه من الليله !!
عزالدين : انا عزالدين ما اتغيرته بس الحياة ضغطت علي بسبب مفاهيم انا كنت فاهما غلط !
بس انا قصدي اعمل شنو عشان اكسب ثقتك فيني ؟
مالك : مهمة بالنسبه ليك النقطه دي ؟
عزالدين : لو زول غيرك ما مهم بالنسبه لي بس انت مهم بالنسبه لي ، لانك في نفس مستوى اسرتي !
مالك " مسك جوانب راسو "
عزالدين : اعمل شنو و تقبل بي لي ندى مرة تانيه ؟
مالك " عاين ليهو " : مافي حاجة في الدنيا حتغير نظرتي ليك بخصوص الموضوع دا و لو دت الجاي عشانو افضل م نتكلم عشان الود البينا ما يخرب !
عزالدين " خبطو في رجلو " :
ما انا ما حا اهدأ ! مالك اخد فرصة !
مالك : عايز فرصه عشان تثبت لي شنو ؟؟؟ وتثبت لي انا ليه ؟
عزو : عشان ارجع ثقتك فيني ! عشان انت من اهلي ، عشان انا دايرا و متمسك شديد بي رغبتي ! كان رفضتني الليله حا اجيك بكرة و كان رفضتني بكرة حا اجيك بعدو و بعدو و بعدى ما حا اوقف ! حتى لو سافزت الامارات بجي لاحقك !!
مالك : اشمعنى اسي عرفت#قاطعو !
عزو : عشان في حاجات كتيرة ما بتحس بي قيمتا الا بعد نفقدا !! ارجوك اكتفي بي ردي دا و ما تصعبا علي يا مالك !!!
مالك " قام على حيلو اتوجه على الباب " : قوم تعال ...
عزو " قام معاهو "
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
