وتبقى صُدف الحياة مُرتبه ، بالرغم من عشوائية الأحداث ...
#بيت_خالة_ندى :
" الصالون "
"خالتا جايه داخله من برا و بتطلع في توبا "
خالتا : البيت صاني !
ندى : ااي مافي زول غيري و مالك كمان اسي طلع !
خالتا : اخوك دا اصلو م بيسمع الكلام !
بدل يرقد يرتاح !
ندى : قال ماشي مناسبه زواج !
خالتا : عقبالو و عقبالك
ندى : زواج شنو لي تاني ؟؟ دا كلام يا خالتي !
خالتا : اجي !!! دا كلام شنووو ؟؟
ندى : كلام عديل ما عندي نيه اعيد التجربه حاليا لكن لي قدام الله اعلم ! و لو حتزوج م حتزوج الا انسان بيحبني و بحبه ! المهم م علينا انا عليزة اسوي نسكافيه ! هاه معاي ؟؟
خالتا : اي ممكن بس باللبن !
ندى : طيب " قامت "
خالتا : تلفوني مالك ختاهو لي وين ؟
ندى : كان فوق الكمدينه حقتو ! حجيبو ليكي !
حالتا : اي عليك الله يا بتي ناوليني ليهو !!
ندى بتقول :
دخلت غرفة مالك !
و انا عارفه مكان التلفون لاني شفتو قبيل وقت كنت مع مالك في موضوع الجلابيه و الهدوم و ..الخ !
شلت التلفون و عصفت وصلة الشاحن بي رجلي ! دنقرت رفعتها بعد فصلتها من الوصله !
و انا متحركة لمحت ورقتين واقعات قريب للدولاب في ارضية الغرفه !
مشيت رفعتهم و طبقت وحدة و التانيه و انا بطبق فيها لفتت نظري !! غصباً عني فكيت باقي طبقتا و قريت اللي فيها " شهقت و انصدمت !!
و قلته مالك ؟؟؟؟
" في جانب تاني "
" الشارع التاني لي بيت العرس "
__ امسك " جدع ليهو قزازة الريحه " كدا ميه مية !
مدثر : عاين الساعه 11:00 بالضبط حنتحرك اتفقنا ؟؟ كلم الشباب كلهم !
__ مدثر ! حفظتو كلامك دا والله ، ورمتني بيهو عديل ! وبعدين حسام دا اتلهى في شنو ماسكنا بي جاي وقافل الباب علينا اقسم بالله بالغ عديل ؟!
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...