ام شعيرات : يميمة النزير كان لاميها عليهو في نص القششش ! هسسع الكلام دا ما عيب ! هاااااه ( بي قلاصه ورفعة حاجب ) ....
التايه : ( بي حُرقه )اتي بتك دي ما قادرة عليها اكلن هي شافعه و بتتحشر في نص الحريم ديل لمن تكبر حتسوي شنو ؟
ام ام شعيرات : ( مسكت توبها بي طرف اصابعيها ) تف تف تف يا لطييييييف ! كمان ليك عين تنضمي و تجيبي سيرة بتي الجاااااااهله المسيكينه !
مالك على بتي يختي مششيم و لا عشان كاشفه حالكم ! بتي انا يا يمة من صغيرة نصيححة و واعيه و لمن تكبر ما بنطلقا في الحواشات مع الرجال !
التايه اتحمقت و اتضايقت شديييد و بركت في التراب دا تشيل و تتفرك فيهو ! عملت ليهم فيها مجنونه ! و تكورك انا و تقول : انا بكُتلك يا النزير بكُتلك ! انا عارفه انك غصبته بتي و سقتها للحواشه بالقوةة ! بتي و خابراها ما بتسوي الشينه !
و فرررررر جرررت و سفنجاتا كل فردة في اتجاااه !!
كوركت ليها وحدة من الحريم قالت ليها :
بتتتتك الما بتسوي شييينه شوفي ليها رااااجل يعرسااا كان بتندار بعد الوسخ دا !! خُمي و صُري يا التايه هيهي !!
اتدخلت في نصهم وحدة من الحريم معروفه انها متدينة و زولة تربية خلاوي ! و كلمتها مسموعه على صيت راجلها !
قالت ليهم : عييييب عيب القاعدات تسون فيهو داا ! فاضيات للردحي و المشاكل في الصغيرة و الكبيرة ! عيييب تشيلو حال الناس بالشينه ، و اكان ما خابرات شيل الحال و الشماته سلف و دين انا هدي بنوركم ! و الدنيا دي ياها بتدوووور و تلف و تلف و بتغمت لي كل واحدي فيكن حقها و تشيل سواتا فوق راسها !
اركزن و اعقلن و عاينو لي اخرتكن ! و انتي يا بنية ( ام شعيرات ) الفتنه و السواطة و القيل و القلنا دا عيب و عند الله حرام ! و انتي ( لي امها ) اكان ما قادرة على بنيتك دي و فاكاها في نص الخلق من الدغش ! بنقدر عليها احنا ديل ! لسانها دا بنقصو ليها لو لزم الامر !
و من بكررررة اسمعي كلامي داا اليقد اضنيك ديك يا بت ! بكرة من الدغش القاك قدامي في الخلوة !
و انتي اللزمي بيتك و قنبي فيهو و لو سمعت اي تعدي و كانت السبب فيهو ام شغيرات دي بتمرقو برا الدخينات دي و انا قادرة و انتي عارفه ! و انتن شاهدات ... ( بي هرشه ) يلااااااا كل وحدة تلزم بيتهاا ( في ثواني اتشتتو ) !
لاحول ولاقوة الا بالله العظيم ...زمن اعوجج اللهم لا تؤاخذنا ...
#في_جانب_عزو !
** عاينت لي تسنيم و انا ماسك قزازة الريحه ! قلت ليها : دي اسوي بيها شنووو !
أنت تقرأ
شارع ال60
Cerita Pendek#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
