الاحداث سخنت و انتو نمتو مخير الله 😂😂
اتفاعلو ياخ الله يجعل فيكم البركه ما تتاوقو من بعيد عشان شايفاكم 🔪🔪🔪
#زنوبيا
اريج : سلوااان ... سلوان .. هي !
دقيقه يا اريج عايزة اقفل الحسابات دي !
اريج : طيب طيب ( نادت على محمد و دا بيشتغل معانا برضو ) يا محمد ! انا حا اخش جوا عندي تلفون ضروري عليك الله ! خليك واقف مكاني لانه في طلبيه مفروض تجي من المحل التاني و استلمها !
محمد رد ليها : يا اريج حاجتك لو بتتأجل اجليها عشان والله ما فاضي براكي شايفه الناس و بهناك امجد ( زميلهم برضو ) معصور في طلبيات الاسكريم !
سلوان : اريج انتي مستعجله مالك ، كلها دقيقه بس قلت ليكي .. امشي امشي انا خلصته !
اريج : حبيبي يا سلوان م انحرم منك يارب !
فا بقيت واقفه و براجع في المنيو العام حق المحل !
و بشوف الناقص المفروض استلمو مكان اريج !!
في اللحظة دي جا أ: حسن ! اللي اكتشفت من خلال كلام زمايلي انه شريك مع الزول الكان ناقشو داااك .. فا مجرد ما جا داخل لي جوا ، قال لي :
__ واقفه هنا بتعملي شنو يا سلوان ؟
(كنت سرحانه ف المنيو اصلا لفت نظري جيتو للمخل و تاني م ركزته ، فا من غير م اركز هو قال لي شنو بالضبط ، قلت بي صوت عالي ) : غرييييبة !
__ ما سمعتي سؤالي ؟
( رفعت راسي عاينت ليهو ) لا م كنت مركزة معليش !
__ واقفه محل اريج بتعملي في شنو ؟
قالت عندها حاجة ضروريه وقفت محلها لمن ترجع !
__ ( بي انفعال كدا ) طلعت برا المحل في ساعات العمل !
لالا دخلت جوا مكان التبديل ! م طلعت !! (سكته مسافه و انا ماسكة المنيو في يدي و بقلب فيهو) بالجد غريبه !
__ الغريب شنو ؟
المنيو دا ناقص حاجات كتيرة مهمه ! يعني المحل دا ما هين و شامل حلويات كمية فا في حاجات ناقصة بالنسبه لي مستواهو !
__(ربع يدينو و بي فرور او استفزاز م عرفتو ) حاجات يعني ما حاجة وحدة ؟
(بي كل ثقه ) ايوااا طبعاً حاجات ! و بالجد اول مرة امسك قائمة الطلبات الشاملة و اركز فيها ! يعني ابسط حاجة عندك الماكرون و المولتن كيك الوايت و البلاك و فطيرة الفواكه و اشهرها فطيرة التفاح و الكوكيز عندكم نوع واحد بس ! فاا غايتو !! ( و سكته ) من شفته اريج جات طوالي زحيت ليها و انا ماشه على مكاني قلت ليها : الطلبيه ما جات !!
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
