ندى " بتخت يدها على باب الشقه "
" الباب فتح من برا "
ندى " وقفت " !!!
مالك " مخلوع من شوفة ندى " : في شنوو ؟؟ سامع صوتك من الاسانصير ؟؟
ندى " حضنتو بي ردة فعل " : الحمدلله الحمدلله .. " رجعت منه لي ورا بقت تهبش في وشو " انت كويس ؟
مالك : بسم الله ! كويس قدامك .. تعالي اقعدي في شنو مالك ؟؟
ندى : ما بعرف بس من سمعت صوت الاسعاف تحت قلبي اكلني ، عاينت بالبلكونة شفت عربيتك واقفه المهم جاطت معاي شديد !!
مالك : دي مطافي ما اسعاف ! جات للـ دراي كلين التحت دي ، ما عارف عندهم شنو !
ندى " ماسكة عقدة حواجبينا " الحمدلله .. " هفف " لانك طلعت زعلان و ما وقفتك و ما اتكلمت معاك و حسيتك منت مخنوق شديد ، فا خفت عليك !!
مالك : ما متضايق اتطمني !
انا حا ادخل ارقد شوية عشان بعدين عندي مؤتمر في صالة المؤسسة العامة ما بعرف الموضوع دا طلع لي من وين بعد ما خلصت شغلي كلو هنا عشان ما اخلي حاجة وراي لمن اسافر و اخلص اشغالي برا مرتاح بس الحمدلله !
ندى : معليش استحمل بيعدي زي اللي قبلو !
و بالمناسبة اخدت خطوة ما عارفاها صح ولا غلط ! بس ما لقيت لي موقع في حتة من المعروفين بي علامات تُجارية ، و زوبا لقت واحد جديد بس موقعو م بطال ! وافقتها وقلت ليها تتفق معاهم، و في نفس الوقت حسيت نفسي استعجلته عشان ما اعطلك و روحي مشحتفه على خالتي عايزة اتخارج عشان اسافر السودان !
مالك : طيب ممكن تمشي على السودان طوالي انا بنجزو ليكي معاكي !
ندى : مالك صلي على النبي هو انت اشغالك ما منتهي منها و بعدين انا بحب اقيف على حاجتي بي نفسي !
مالك : عايني طالما بيشيل التصميم العملتو ليكي ما تقلقي و كل ما كان الموقع حقهم جديد كل ما زادت صعوبة امتحانك في انك تثبتي نفسك ! اتوكلي بس اهم الحاجة التخطيط يكون ممتاز !
ندى : قلته كداا ؟؟ ي زول اتوكلنا !!
مالك : عديلة " بيقوم " ازن استلم الموافقه حقتهم
حسب كلامهم مفروض بكرة يردو لي ، و بعدها نقطع!
ندى : كويس قدمتها من باب الاحتياط ! و لو الامور مشت زي م دايرة ان شاءالله تلاته يوم بكون انجزته هناك و بمش السودان !
مالك : نقول يارب .. صحيني بعد ساعه كدا كان ما صحيت براي !
ندى : طيب !!
#زنوبيا :
" اخدنا من الساعة خمسة لحد ستة بريك عشان استاذ علي كان عندو موضوع مهم ، معانا كلنا، فا اتجمعو كلهم في السطوح و كانو منتظرني لاني كنت بقفل في حسابات و مشيت عليهم لقيتهم مركزين في شاشة لابتوب حق مُهيد "
علي " من شافني " : تعالي منتظرنك !
محجوب : اقعدي جمبي انا .. تعالي " قام لي دخلني ف الكرسي الجمبو و قعد "
" مُهيد راحع بي ضهرو على الكُرسي مربع يديهو و يعاين لي "
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
