#المستشفى
" صوت من بعيد جاي متحرك بسرعه"
__ يا استاذ لالالا من فضلك ارجع ! م حينفع كلكم تدخلو !
عزالدين " فك يدو من الباب الموارب ، و هو بيعاين لي مالك جوا الغرفه و وهو واقف في راس سلوان و ما حس حتى بي صوت الباب ! وهو بيفتح .. جر الباب قفلو " ! اسف !! قايل انها غرفة الاستراحه عشان كدا !
الطيب :
مفروض اللُفت دي تتغير في الدور ، دا ! بدل الجهجهه دي !
__ كلامك صح بس عشان مافي غُرف فاضيه ليها و كلها عنابر مشتركة على العموم حصل خير ! استأذنك اديني سكة !!
عزو " زح من جمب الباب و تكل في الحيطه المقابله لي باب الغرفه ، و ربع يديهو و سهم في الارض !!
الطيب " مشى عليهو وقف جمبو " :
غريبه ان مافي زول من اهلها هنا !
__ اول مرة اعرف ان مالك ليهو حبيبه !
الطيب : ربنا يرفعا !
__ امين ! " سكت شويه " و بالنسبه لي الحصل امبارح بليل ان #قاطعو !
الطيب : يوم و عدى ! م تشيل هم حاجة ، المهم انك معاهو حالياً و قمت بي واجبك و دا الكلن مقصود ! " طبطب عليهو "
__ خليني اكمل ليك طيب ، انا ما داير تكون جواك فكرة غلط عن الموضوع !
الطيب : عزالدين ! انت بتعمل في حاجة غلط ؟
__ لا !
الطيب : يلقى ماليك دعوة انا افتكر شنو ولاغيري يفهم شنو ! و بعدين انا مامسؤل عنك عشان توضح لي افعالك ! انحنا اكبر من كدا !
__ يعني خلاص !!
الطيب : الخلاص شنو ؟
__ بطلت تشاكلني و تناقشني و تنورني !؟
الطيب " اتلفت عليهو " : و استفدنا شنو من كدا ؟؟
خوتنا في محلها ! بس اكيد في حاجات كتيرة اتغيرت ، مافي شي بيفضل حالو يا عزالدين !! المهم انك تكون بخير و تكون حريص على انك ما تكون سبب لي اذى انسان غيرك !
— ما تبقى معاي كدا يا الطيب ! ياتو يوم المشاكل اثرت على علاقتنا !
الطيب :
مافي حاجة اسمها مشاكل اثرت على علاقتنا ! في حاجة اسمها نضج ! م حنضيع الباقي من عمرنا كلو في الغلط نقعد نعيد و نزيد فيهو !
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
