على فكرة مكتوبات بي حب ♥️
** خالتي ... هي ! بتكلم معاك انا
__دقيقه بكتب في قروب العيله دا ، ما بعرف غايتو بقيت طاشه في ناس البلد ديل بالله الناس دي اتغيرت كيف سبحان الله !
** كدي خلي القروب اسي ، عايزة اخد رايك في موضوع !
__ اهاا ( ختت التلفون من يدها ) ، خير ؟
** اممممم رايك شنو نعزم اهل عزو ؟ يعني نعمل غدا و نطلع على الساحه و لا اي مكان كدا ؟
__ غريبه ! هم اليعزموك انتي في بيوتهم ال لي يوم الليله دي ما شفتيها و لا تعزميهم انتي ، وبعدين تعالي هنا ! قريب دا مش انتي كنتي عازماهم و انتي عروس في اسبوعك اظني ؟
**اممممم دا ضرب بالذوق يا خالتي يعني مفروض تفهميها ، " غمزت ليها " !
__ندى ! البنات ديل بريدو اخوانهم ديل زي عيونهم ، نصيحه مني ما تباري افكارك دي عشان م تخربي بيتك بي يدك و البنات ديل كويسات معاكي من يوم دخلتي في نصهم م سمعوك شين لي هدايا عرسك دا م قصرن معاك و كل شي جاك في شيلتك بالزيادة منهم ! و موقف امس دا لو ما انا الاتكلمت ، انتي م كان عرفتيهو و كان جينا للجد الناس دي كلها بتحب مصلحة اخوانها و الليله مالك دا كان لا قدر الله حصلت ليهو حاجة ، حتعملي زيهم واااحد ! اعقلي يا ندى ، اعقلي و ركزي في راجلك و حياتك و اصلاً كلها فترة و تسافري منهم و الله اعلم تاني تتلاقو متين فا خلي سيرتك طيبه ، زي م هم سيرتهم طيبه من خشم الكبير و الصغير !
** اممم طيييب مع اني ما عارفه شنو الغلط في كلامي القلتو لكن حاضر كل القلتيهو لي حيتنفذ ، ( بي عدم اقتناع ) المهم ! على سيرة مالك ، اها اليومداك م كنت فايقه لي موضوع الزولة القلتي عايزاها ليو ! دي منو كمان و قرت شنو و قبيلتها شنو و اهلها مرتاحين و لا ،، و وضعها شنو في الحياة دي البعرسها لي مالك اخوي ؟؟
__ بري منك يا ندى انتي صعبه ! يختي وحاة الله ، شلت هم بت الناس دي من اسي ، بري والله بكرة يعرسها تقومي تمرمطي بت الناس و اشيل ذنبها في رقبتي دي !! بري بري ، شوفي يا ندى يا بتي انا علي بنصحك رغم يباس راسك دا ، و عارفاك عنيده و ركيبة راس ، لكن بقول ال في ذمتي ، انتي با بتي الله ما اداك اخوات و البت دي طيبانه و زولة الله ، اكسبيها و خاويها و اقعدي في الارض دي ؟
** اجي !! و انا اسي قلت شنو غلط ؟
مش يمكن ما تعجبني ؟ يعرس كشى و مشى كدا و خلااااص ؟؟ لا والله فششر دا مالك اخوي بي جلالة قدرو ان مشى ساي يهز و يلز يا خالتي ، ندراً علي يا خالتي انقي ليهو ست البنات !
__ محن !! لا دايرة تعرسيها انتي و لا يعرسها هوووو ؟
** في وشنا احنا ! المهم كلميها و خلينا نلاقيها ولا زم اشوفها و افحصل قدام عيني دي !
أنت تقرأ
شارع ال60
Nouvelles#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
