"وقبل سلوان ترد"
في صوت دخل بينهم ....
"خلاهم في حالة ذهول "
رقية : سس سهام ! ( بي تمامة و صوت رجفان ) مم مالك في شنو ! ليه بتتكلمي كدا مع سلوان !؟
سهام : والله و طلع ليكي صووت يا رُقية عشته و شفتك ! شايفة ست الحسن و الدلال علمتك تتكلمي ههئ !
( سلون ربعت يديها و بقت تعاين ليها من فوق لتحت ) !
رُقية : انا زي ما انا يا سهام ! كل الموضوع انا ما دايرة مشاكل ، خصوصاً ان سلوان ما سألتك و لا اتكلمت معاكي !
سهام : اجي اجي تعالو و شوفو يا ناس الحلة و احضرونا ! كيييفن ما سألني ! لا سألتني و سألت امي حبيبتي و تاج راسي ! ست الحرووم ديل جت ! ( اتلفتت على سلوان ) ! ولا شنوو يا حلوةً ! اتلائمتي مع امي و قليتي ادبك عليها في نص الشارع و شفع الحلة دي بشهدو !
سلوان : ههه هههههه ههههههههه اااخ يا بطني !
قلتي كيف ! قليت ادبي على امك ههههه طيب خلاص خلاص حأبطل ضحك و حا احترم عصبيتك دي هههه ( ختت يدها في خشمها ) ههه بس والله ما قادرة اوقف ضحك هههه احم ! طيب يا سوسو يا قلبي يعني انتي اسي جايه تشاكليني عشان انا قليت ادبي على عمتي ! هي قصدي امك ؟؟؟
( قربت عليها و غازة كيعاني) هااااك هااا كفتيني كفتيني ! عليك الله كفتيني ، ولا اقول ليك شيلي سفنجتك و دقيني بيهااا! هئ
شفتي كيف ؟ انتي حدددك صوووو بس ، تقعدي تلعلعي و تتكلمي كداا و تسمعي الغاشي و الماشي ! و ياهو كلامي القلتو لي امكبقولو ليك كان بقى قلة ادب ولازفت على وشك ! رُقية ما حتعرس اخوك الدلاهه دا ! فاهمه ولالا !
سهام : هئ ! دايراها تعرس شنووو !؟
دي مدثر اخوك ! ياهو منبوذ و مكروه لي يوم الليله ! صدق اللي قال : البباري الجداد بودي الكوشه !
( عاينت لي رُقيه ) اقعدي باررري صحبتك لمن تخربك كلو كلو ، وقتها حتعرفي ان الله حق !
سلوان : مدثر ما سألك فاهمه ولالا انا البكلمك ، ما مدثر! و بعدين مالو مدثر ! عشان سفهك ! حارقاك مش انه عرس و خلا خشمك ملح ملح و ما قدرتي تاخدي منه لا حق لا باطل !
سهام : ( وشها قلب )
و عرس منووو ؟؟؟ وحدة ما تسوى ضفري !
سلوان قبضته خنقتها من رقبتها ! اوووووعك تقلي ادبك علي عشان ما اقتلك و قبلها اخليك تتمني الموت ! فاهمه ولا لا ؟
أنت تقرأ
شارع ال60
القصة القصيرة#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
