" *نغمة تلفون مع صوت فتحة الباب "
مالك " بيتلفت على الباب " : ندى ! وين ؟ اسي كنت بتصل عليكي " و بيفصل المكالمة و ينزل التلفون من يده "
ندى : بالي مشغول عليك من قبيل " صوت خطواتها مختلط مع صوت الكيبورد اللي كان طالع من لابتوب مالك " شكلك جيت قدامي ، حتى ملابسك ما غيرتها ، " بتقعد "
مالك : اي جيت قدامك " مركز في الشاشه بي ترقُب "
ندى : طيب انا محتاجة افهم ، ممكن تركز معاي شويه ؟ انا مقلقه من قبيل و عايزة اتطمن كل شي بخير ؟ دا غير اسلوبك الغريب مع نوريان يعني فجأة كدا من امبارح لليله اختلاف توتلي ! #مقاطعها !
مالك : نفس الشي انا كمان محتاج افهم !
و حالياً بتلخبطيني بي كلامك و انا بكتب في ايميل مهم !
ندى : " و ني بتقوم و بتشيل شنطتها "
معناتو حا اقوم اغير مسافة تخلص " بتتثاوب و ماشة مع صوت تلفونها البيرن "
مالك "معلق على الاتصال " : ماشاءالله شايف مكالماتك كترت ، في كم يوم لحقتي تعملي معارف !
ندى" بترد على المكالمة ، و داخله الغرفه "
{ المكالمة }
" ندى بتسمع و بتمسح في دموعا "
ندى : الحمدلله .. الحمدلله .. ااي
__ لكل مجتهد نصيب هذا الشي اللي انا اؤمن فيه ، في كل شي يخص حياتنا يا ندى ، يعني انا واحد من الناس ما عندي أيمان بشئ اسمه فُرص ، الفُرص احنا اللي نصنعها ، حياتنا معادلة بسيطة ، يعني لكي تنجح افعل ..
ندى : " تتنهد " الحمدلله صح كلامك !
__ اتمنالك التوفيق و متأكد انه ما راح يكون اخر تعاون بينا .. في الانتظار ان شاءالله ، و راح توصلك رسايلك مرفقه بالتفاصيل و العنواين !
ندى : اوكي تمام .. شكراً شكراً #قفلت !
"شالت لابتوبها و شنطتا ختت يدها في عيونها و طالعه على مالك "
ندى : الحمدلله ... " و تهوي بي يدها على وشها " .. مااالك ..مالك " بي صوت مبحوح "
" عينها وقعت على الشاشة حقت الابتوب من بعيد "
ندى : دا ياهو ايميلك البتكتب فيهو ؟
مالك : " بينزل الشاشة " لا انتهيت كنت بتصفح ، تعالي ... مالك وشك محمر كدا ... بتبكي انتي !!!
ندى : " جات قعدت في الكرسي الجمبو و فتحت الشنطة و مدت ليهو مستند " لا ما قعد ابكي ! شوفو .. ( بتفتح في لابتوبها )
" قام على حيلو ، بقى رايح جاي و بيقرا الاوراق "
مالك "بي صوت عالي " : اخت منو انتي ؟؟؟؟؟؟
#الشارع ..
سهام : مدثر ! من يومك اتا اصصو مكرضم وشيشك دا يا ود عمي ، ما بدور اعرف اسبابك اظن لي واضحه شان ما تقول علي مُتالطيفا.. مو ..مُـتلطفا .." صغرت عيونا و حكت جانب راسها بالسبابه" مـ.. شنووو ! المهم ياها الشي دي !
مدثر " بي نص ضحكة كاتمة " : فهمتك .. قصدك مُتطفله ! حاشاك !
سهام : ااااااايّا بسس ياها الشي دي ، سمعته سلوان بتنضم بيها في التلفون !! " سكتت حبة و رجعت كملت كلامها " اهئ اتلقي احمد اسي حارسني على الرجعه للبلد !
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
