#خالة_ندى !
ندى : خالتى ماتقيفي لي فوق راسي كدا !
بقيف ليكي و قولي الدايرة تقوليهو كله ما شغاله بيكي انا ! شوفي هنا يا ندى ، العملتيهو دا غلط و عالجتيهو بي غلط اكبرر ! يا بتي مهما حصل بيتك دا ما تمرقي منو و انتي ياداب عروس ! بي طريقتك دي انتي ما حتعرفي تمسكي بيت يا ندى ! يا ندى يا حبيبتي قاليك الاكبر منك بي يوم يعرف عنك بي سنة !
و بعدين انتي كيف تحكي لي مالك اخوكي ال في اخر الدنيا و تقلقي بيهو و انتي عارفه انهم اصحاب و بي سببك ممكن يخسرو بعض بي سبب حماقتك دي !!
و يا ندى ليكي و لي زمانك البحصل بينك و بينك راجلك بمووووت بينكم مفروض م يطلع براااا كلو كلو !!!
ندى : خالتي عليكي الله كفايه !
ما كفايه م لم تصلحي العملتيهو دا ! و بعدين تعالي هنا ! طلاق شنو البتتكلمي عنه لي اخوك دا و انتي يادابك معرسه هو انتي قايله الطلاق دا لعبه ! (ضربتا هبشه كدا في راسها )
انتي اكان دايرة صحباتك ديلاك يشمتو فيك اتطلقي و كبري المواضيع اكتر و كابري و اعندي و خمي و صُري بعدين !
ندى : ( بي انتباه ) خالتي !!!
م تقولي لي خالتي ! اضربي لي مالك دا اسي دي حصليهو قبل يضرب لي عزو ، و كان فالحه اركبي راس و قولي ابيت و اتفرجي على ندمك بعدين !!
ندى : ( بي توتر) م عندي رصيد انا ! اديني تلفونك !
امسكيهو
ندى : ( بتدخل في رقم مالك بي استعجال ) ...
الوووو .. ايوة يا مالك !
ايوا يا ندى " بي صوت باهت "
في الدوام انت ؟
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
