بنعتذر لانه والله م زالت عندنا مشكله في النسخ من الايميل فا الحاينزلو تلاته حلقات لحد بكرة ان شاءالله ، الله كريم ♥️ #اترقبو بكرة المشهد الصوتي لي مشهد جديد و طويييييل 🙈♥️
و الحابين يشاركو في المشاهد الصوتيه رسلو لي فاطمة في الخاص او رسلو لي انا.
مدثر !! مدثر ... ( اتلفته م لقيتو جمبي )
"الممرضة قبضتها من يدها"
انتو طلعتو مروة " وعيوني حوالين المكان بتفتش بقبضة قلب"
الممرضة: "بتوتر" هي كويسة ساعة زمن وتطلع
*عايني انا زاتي ممرضة في شنو ليي اخدت وقت طويل كدا ولسه ما طلعوها؟!
-ااا اا الدكتور حا يطلع بعد شوية بفهمكم كل حاجة
" انسحبت مني خلتني في حالة ما يعلم بيها الا الله"
بعاين للطفل الشايلاه في يدي وانا واقفة براي ما عارفة اتصرف ولا اقبل وين ..
"داخلة وطالعة من كل ممر وبفتش وبنادي"
*مدثر وين انت يا اخوي مدثر..
"سمعت صوت عالي في نهاية الممر"
بالخلعة جريت وانا ضامة الطفل شديد
شايفة الناس متلمة وماسكين زول خانق الدكتور وبضارب
بقيت اكورك
* مدثر دا اخوي فكوه زحو من اخوي ماسكنو كدا لي
"وكل مرة صوتي بذيد ورايح وسط الخلق المالية المكان يكوركو بدورهم"
*زحو منو دا اخوي في شنو
مدثر مدثر
"لحظتها اتلفت علي شفته كسرة الفقد في عيونو انا عرفتها نفس النظرة والتوهان الحصل لي يوم فقدته رقية"
عايزة اكضب الشينة والممرضة بتنادي فيني وبتحاول تشيل الطفل ال في يدي وانا ما مجمعة ..
*لو سمحتي جيبي الطفلة انتي ضاغطاها شديد لو سمحتي في فحوصات وتطعيمات وكمان لازم تتخته في الحضانة..
"من شفته الدكتور دفرت الممرضة مني بعدم وعي"
زحي كدا ومسكت الطفلة في حضني زيادة"
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
