سهام : دا كلو عشان ما ادفعك مش يا ود عمتي ! هههه #فجأة قطعت الضحكة ! #بي خلعه .. لمن حست بي #يد
مسكتا #قوي من وراهااا و دفرتا بعيد "
سهام #صرخت ....
مدثر " بي خلعه كورك " : سهاااااام ...
" الكل جرا على سهام متاخر لان ما كان في زول متوقع الحصل دا .. "
عمر " لانه كان مترقب سهام فا كان اول واحد يوصلها " : انا اسف ما قادر امد ليكي يدي ، اساعدك بس جريت عليكي بي ردة فعل #قاطعو !
مدثر " مسكها من ضراعا " : قومي .. انتي كويسه ؟؟
" سلوان جات طالعه من المحل شافتهم ملموين حولين سهام ، و هي عيونا مرقرقات و بتنفض في ملابسها بي خجل لمن ما قادرة ترفع راسها ،، "
" سلوان جرت عليها بي استغراب" : في شنوووو !! سهام مالك " مسكتها من يدها و بتعاين في ملابسها ! " : انتي وقعتي ولا شنو ؟؟ " بقيت بنفض ليها رغم ان فيهو جزء شبه طين من موية النجيله "
" مدثر رجع لي ورا و قبل يصل لي هدفو بي ثواني ، كانت سهام اسرع منه و غضبها اتملك عليها "
سهام " نفضت يد سلوان منها و اتبدلت ملامح البكا لي ملامح الغضب و جرت على #اريج الكانت بتعاين ليها بي عدم اسف .. و قبل ما يدها تلمس اريج و تدفرها زي ما دفرتها ! جاها صوت من وراها وقفها ، و هو بيقوول ليها :
مدثر: خليكي انتي احسن يا سهام ! و ما تردي الشين بالشين و الحصل دا زاد مكانتك في نظر الكل و ما نقصها انا متأكد يا سهاام ... ممكن تنزلي يدك ؟ !!
" بعد تردد .. سهام نزلت يدها و مشت مسكت الشارع الرئيسي درب البيت من غير ما تتلفت وراها "
سلوان : يا جماعه في شنو انا بسأل من قبيل حصل شنو مع سهام ! بتكلم انا زول يتكرم يفهمني الحاصل !!! " بتعاين لي سهام المشت مسافه " !!
في شنو يا اريج ! سهام ليه جات جاريه عليكي كدا !!
مدثر : معليش حصليها يا سلوان !!
سلوان : لا حصلها انت انت ، انا ما ماشه من هنا لحد ما افهم الحاصل !
مدثر : ما وقت عناد !!
" سلوان هفهفهت و مشت "
مدثر " واقف قدام اريج بي ضيق واضح شديد " :
ليه عملتي كدا مع سهام ؟؟
اريج " بي خوف وتوتر وضيق ":
ما عارفه يا مدثر بس ما حسيت الا بي نفسي و انا بعمل كدا !! غصب عني ما قدرت اتحكم في نفسي !
مدثر : هو شنو الغصب عنك ؟
تدفري البت في الشارت كدا لمن تقع يا اريج ! دي اخلاقك ؟؟؟ ليه عملت ليكي شنو عشان تعملي معاها كدا ؟
اريج : ممكن تقول لي ان مافي حاجة بينك و بينها ؟
مدثر : نعم !!!!! بتقولي في شنو انتي ؟؟؟
اريج : مدثر !! انت ما فاهمني ليه ؟ طيب انا عارفه انك لسه بتحبني و دايماً كنت منتظرني ! بس #قاطعها !
مدثر : " بيتلفت حوليهو " دقيقه دقيقه !!
كلامك دا لي انا ! منو البيحبك ؟؟
اريج : انت يا مدثر و ما تنكر !!
مدثر : احب ليكي شنو يا اريج ؟؟؟ و احبك ليه اصلاً ؟؟
و حتى لو كنت بحبك ، فا بعد الحصل دا مستحيل اكن ليكي ذرة مشاعر بعد اللحظه دي !!! وريني حصل مني شنو و لا لقيتك وين اصلا انا من وقتها عشان فهمتي اني لسه بحبك ؟؟
و قبل تردي لي ! انتي مجرد موقف في حياتي ما اقل و لا اكتر ! ايوا اعجبت بيكي و حبيتك بس ما الحب الممكن كان يخنقني و لا يأثر على حياتي لان تصرفاتك و مواقفك معاي وقتها ما خليتي لي مجال احزن عليكي !!!
أنت تقرأ
شارع ال60
Storie brevi#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
