" قيل في العبرة .. كلام متورّم في الحنجرة "
الساعة 6:13AM
كو كو كو " صوت خبط و رزع في الباب "
يا لطيف الطف .. دقيقه دقيقه يا الفي الباب ، اصبر الدنيا ما طايرة .. " و لسه صوت الباب مستمر " لاحول ولا قوة الا بالله الدنيا ما طايرة يا الفي الباب ، جايه جايه الصبر ..يا بت يا سجى انتي و اختك ما سامعات الباب دا !
( جاها صوت سجى من بعيد ) : دا منو المتخلف البرزع في الباب بالطريقه الغبية دي ! معقول يعني نصحى من النوم مخلوعين بالطريقه دي !!
( فتحت الباب-بي صدمة ) ندى !!!!! في شنو يا بت !!!
( ندى دخلت من غير م تنطق حرف مع خالتها ) !'
( خالتها لسه فاتحه الباب و بتعاين لي برا مترقبه اذا في زول معاها )
سجى بت خالتها : معقول لكن يا ندى ! عايزة تقلعي الباب في يدك اوفففف " و دخلت غرفتها "
( خالتها قفلت الباب و دخلت محصلاها ) ! ندى !! حاصل شنو ؟؟
ندى : ( ماشه و جايه في نص الصاله يد بترجف ماسكة بيها راسها و يد غازاها في جمبتها ) !!
ندى ردي علي بتكلم معاك انا ! في شنوو حاصل ؟
ندى : مافي حاجة يا خالتي !
كيف يعني مافي حاجة ؟ شوفي انتي جايه الساعه كم و برااكي كمان ! يا بتي احكي الله يرضى عليكي !
ندى : خالتي ! خليني اسي عليكي الله ما تسأليني ! ( و فجأة عصبت و شالت المزهرية دقت بيها الواطه و صرخت ) كويس ..( بتتتفس بي سرعه ) .. كويس يا عزووو !!
( بي خلعه ) ندددددى !!دا شنو البتسوي فيهو دا ! انتي جنيتي ولا شنو ! عايني لي هنا انا بتكلم معاك ! اعملي لي حبة اعتبار و شوفي الخلعه الدخلتيها فيني دي !
أنت تقرأ
شارع ال60
Cerita Pendek#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
