#جوا الاوضه
{جانب_سلوان }
" سلوان شايله رقية و ماشه و جايه في الاوضه ، و رقيه بتجر في ضفيرة سلوان الماشة و جايه معاها وشغاله تجرها و بتضحك "
سلوان : حيييييه انااا هي كلها صفيرونة ما تامة ضفيرة زاتو يا رقية و حتعدميني ليها بي يديك الصغار ديل"مسكت يديها و بتعضعض فيها و رقية بتضحك " ، وحلاتي يخواني كمان بتضحكي ! اتي كدا مبسوطة يعني خلاص يا قلب عمتو انتي جرجري بي راحتك " مسكتا و بتعضعض فيها و بتضحك "
انا بس كان عرفته حبوباتك ديل حابسننا في الاوضه دي كدا لي شنو ...
صوت الباب فتح
سلوان " اتلفتت على الباب " : بسم الله !!
التايه : تعالي علي .. تعالي يا سهام !
النخيل : الله يسعدك يا بنيتي ! البكى فوق شنو يا سهام ، الله يهدي سركم يا بتي !
سلوان : اجي !!!
"سهام مشت على امها قلدتهاا و ساكته "
النخيل : باركي لي اختك و اخوك يا سلوان الله يسعدهم ، حمدلله الخته المودة بيناتم و حققو عادات اهلنا من غير ما ينكسر قلب فيهم !!
سلوان " بي خلعه مشيت على سهام " :
انتو دا شنو !! يعني ... والله انا زاتي غبيه ! معقول .. وحاة الله ما خطر في بالي ! وااااااي لكن اقسم بالله فرحت ليكي اكتر من ما فرحته لي مدثر اخوي .. قومي على حيلك خليني اضمك علي يا سهام .." حضنتا " الببكي شنو مش اسي من ساعة شابكاني دايرة تحشري عرس اهااا ، احضري عرسك اناي جاك لحد عندك خلي عرس الناس هههههههه ..
سهام : يعني انتو فرحتو ؟ و دايرني ؟ انا كت قايلاكي دايرة ليهو صحبتك اريج !
النخيل : سهااام هوي هااا انا من تجي سيرة البنية دي جني بقيف لي في نص راسي انا البت دي ما عندي فيها كلمة شينه ، و ما شفت منها شيتاً شين لكن ما عاجباني لي ولدي !
قسمتو معاك اتي دي و خلااص الحمدلله ، ما تنكدو علينا فرحتنا !
سلوان : بسم الله يمة مالك انفتحتي كدا خلاااص .. " مشيت عليها " امسكي البت دي خليني اشوف مدثر دا يضايف ناسو ديل !
النخيل : سوي ليها رضعه معاك !
سلوان : طيب طيب ..
" طلعت على عريشة الحوش ، فتحت التلاجة و قفلتها م لقيت شي ، قلت معقوله حاجة زي دي تفوت على مدثر .. اوفف و ما بقدر امشي عليهو في الصالون الا اتصل عليهو .. طلعت تلفوني و دخلت على المطبخ و خاته التلفون في اضاني ..جرس كامل ما رد علي ، جيت طالعه من المطبخ لقيت احمد في وشي ... اتخلعته و رجعته لي وراا .. "
سلوان : ازنك .. اديني سكة عايزة اطلع !
احمد " شايل صندوق البارد في يده ، فتح لي السكة و نزل الصندوق في سرير العده ، قال لي " :
مبرووك لي مدثر و عقبالك ان شاءالله !!
سلوان : " ابتسمت بس م رديت على كلامو "
قدمت ليهم جوا !؟
احمد : لا لسه ..
" اتناولت صينيه من السرير حق العدة ، و دخلت شلت كبايات ، قلت ليهو " :
سلوان : كم نفر ؟
احمد : خمسه من غيري !
" شلت سته كبايات رصيتهم في الصينيه ، و كبيت البارد "
احمد : سلوان ! انا اسف ...
سلوان : حصل خير !
احمد : بالبساطه دي ؟
سلوان : اخنقك يعني و لا اشيل السكين دي اقطعك ؟؟ حعمل شنو يعني ؟؟ فا مهما عملت م حيفيد بشي و حنرجع لي نقطة حصل خير فا احسن نختصر الطريق و الدنيا م دايمة لي زول فينا عشان نضيع جزء من عمرنا شايلين ضغينه و كارهين بعض ! و عشان صلة الرحم مستحيل تنقطع يبقى الاسهل نقطع الكراهيه و العداوة و نخلي الاحترام بينا في النهايه صلة الرحم الدايرين منا نقطعا الليله الربطة اشتدت و بقت نسب !!
فات عشان كدا ربنا يصلح حالك و حالي لا حزن بيدوم لا فرح بيدوم ، الدوام لله عز وجل !
أنت تقرأ
شارع ال60
Historia Corta#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
