#زنوبيا :
" اريج جات داخله "
اريج : السلام عليكم ...
سلوان و محمد : و عليكم السلام !
" عمر حا داخل وراها "
عمر : سلوان .. يعني ما لاقي طريقه اتكلم معاكي بيها !!
سلوان : معليشش ، بس الليله بالي مشغول شويه و جايطه عشان كدا انا زاتي ما لاقيه وقت لي حاجة بس منتظرة متين الساعه 6:00 تجي !
محمد : قربنا ..
" عم محجوب نازل من فوق معاهو حسن "
محجوب : اريج ! جيتي متين ؟؟
اريج " بي توتر ملحوظ " : جيت من دقايق ..
محجوب : اهلك كويسين ؟ حاصل شي يا بتي مسبب ليك تأخير كدا ؟
اريج :
اي معليش شويه ظروف ..
" عم محجوب امبارح ما حضر الحصل ساعة سهام "
محجوب : ما مشكله ربنا يهون عليكم ان شاءالله ! محمد يا ولدي ، معليش جيب البوكسات من المخزن لي اريج شايف قدامها فاضي ، عشان تلحق تشتغل في باقي الزمن الفضل دا !
محمد : اسف يا ام محجوب مشغول !! " ما عندو اي حاجة بس واقف جمب سلوان بيقرو التعليقات على صفحتهم "
محجوب : و انت يا ..#قاطعو
عمر : البوكسات ما تقيله يا عم محجوب ، و بعدين انا طالع فوق عشان ال ..." ما عندو حاجة " "حك في راسو بي صباعو و جرا على السلم " كح كح ..
سلوان " عاينت لي محمد بي طرف عيني "
محجوب : اتصرفى في بعضكم انا بمشي .. يلااا قفلو وراكم كويس ..
"محجوب لي حسن و هو طالع "
بتصل على علي تلفونو مقفول من قبيل ، عشان ابلغو بي تاريخ السداد ...
#جانب_عزوو :
" في السوبر ماركت "
#مكالمة !
عزو : الووو ..
تقوى : و عليكم السلام استاذ عزالدين !
عزو : " وقف و خت السلة حقت الطلبات من يدو بي خلعه و عاين للرقم لقاهو رقم داخلي " ! ً
الووو !!
تقوى : انت وين اسي ؟؟
عزو : تقوى !!!! والله اناي تقوى مش ؟؟ ياهو صوتك ههههههههه جيتي هنا متين امبارح كنت بتكلم مع تسنيم م جابت لي سيرة !؟
تقوى : هههههههه انا قلت ليها ما تجيب ليك سيرة ! كيفك ؟؟
عزو : الحمدلله والله فرحان فرح ، اي ياخ انا الاكل الجاهز هرد لي بطني ، اسمعي انا في الماركت خليني ارجع المثلجات و المعلبات الخميتهم ديل !
تقوى : شوف الولد بالله هههههه همك في بطنك اسي انت فرحت بي عشان الاكل ما جاياك زاتووو ، امسك معاك محمد وصف ليهو السكة !
عزو : يا بت .. سكة شنو انتو جيتو الرياض يعني ؟؟ تقوى : ايوااااا محمد جازفا ! ( زوجها ) ..
عزو : ياخ انتي بتتكلمي جد .. اديني ليهووو سرعه حرسل ليهو لوكيشن حيوصلو لحد شقتي !!
#جانب_ندى !
{ فاتحين علب البيتزا و قاعدين }
زوبا : مالك مالو ما اتصل لحد اسي ؟
ندى : لسه ما ظنيت يكون وصل ..
زوبا : شوفيهو طيب !
ندى " رفعت راسها عاينت ليها بي استغراب " : طيب !! عايني .. انحنا اتأخرنا شديد و انا خلاص روحي حرقتني على الموقع حاولي تتواصلي معاهم تستعجليهم عشان ما حابه اتصرف تصرف اندم عليهو بعدين !! و اشيل ذنب خسارتهم في رقبتي ساي ، والله هسي بتصفح لقيت لي مول حلو شديد بي مواصفات رهيبه ... بس الحمدلله الندم ما بيفيد !
زوبا : حاضر حا ارسل ليهم ! ندى !! ممكن اسألك سؤال ؟؟
ندى : ااي طوالي !
زوبا : انتي ليه بتكرهي استاذ عزالدين دا كدا ؟ رغم ان يوم جا هنا شايفه علاقتو كويسه مع استاذ مالك !! و مرات بحس ان في بينكم حاجة شخصيه !!
أنت تقرأ
شارع ال60
Historia Corta#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
