#الدخينات
احمد .. " واقف خشم الباب جمب عربيه دبل قبينه قديمة شوية ، شايل رقية و يهز فيها ، و يعاين جهة باب بيتنا مترقب ناس امي مرة و يلاغي و يلعب رقية شويه .. و عاين للباب الفاتح و قال :
يلاااا يا يمة و يا عمتي ، الزمن تلاته ساعات شان تمرقو و اتو عارفين من امس مشيتكن دي اليسمعكن و انتن بتنقنو فوق راسي دا و راس مدثر على السفر ما يشوف مهلتكن دي !
" سمع صوت مناققة و قطيعه بي وراهو بين مرتين "
__ اجي ! دا كلام شنو كمان !
__ بري وحاة الله فضيحة و شيلة حال !
__ المرة كان تقنب للحبس من رابعةً الفراش ساكة المدينه و الجري !
__ اتلقي يومتا كان تجعر فينا ساكت لا حزن لا سجم رماد ، اتلقي شان كان بعرس فوقا !
__ اتي صحي ! شفتي المرة الرويانه ام دهيبات ديكي " تشيل و توصف بي يديها لي فوق "
قالت اسما شنو !!! " ختت يدا فوق خشما نظام بتتذكر "
__ ام قميرة اظني ! جات تكابس في الورث !
__ بس بس بس ياها زاتااااا بي قلبي دا قُته هي يا يمة ورث شنو و اتي مُدهبة لي كيعانك !
__ حال السرور ! اتي كدي اتعال نسألك ! التاية الخرابة دي ماشة المدينه لشنو ؟؟
__ و اتي زاتك دا سؤال زول نصيح اسع ؟ لاصقة في النخيل زي القُرادة لامن عرست لي سهام العوقه ، و قنبت غادي ! اظني المرة دي بتدور تعرس لي رويحتا دي " كه كه كه "
احمد " اتلفت عاين ليهم هز راسو و دخل يدو في جيب جلابيتو يطلع في تلفونو الكان بيرن .. رد بعد تردد ..."
احمد " كح " :
مرحب
__ " بعد تردد" احمد .. كيفك ؟
احمد : ياهلا والله حمدلله ، كيفك انتي ؟
__ ما كويسه !
احمد : يا ساتر ! حاصل شنو ؟ اهلك طيبين ؟
__ اهلي كويسين حمدلله !
احمد : طيب في شنو
__ صوتك بيقطع اتحرك في حته فيها شبكة !
احمد " اتحرك رايح جاي في نفس المساحه "
انا في البلد عشان كدا يا شيماء !
__ طيب م مشكله حالياً صوتك احسن !
احمد : احكي طيب في شنو ؟
أنت تقرأ
شارع ال60
القصة القصيرة#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...