تابعوا المشهد الصوتي في نهاية البارت 🥰🥰🥰
#شارع_ال60 #34
بعد رجعت من الطيب .. جيت داخل الشقه حوالي الساعه 9:30 pm ..
لقيت ندى نايمة .. شلت غياري و طلعت برا ، عملت لي فنجان قهوة .. ساهر بي لحد الصباح !!
#سلوان_بتحكي :
بعد ليلة امبارح و الحصل من مدثر كنت مبسوطة شديييد ، ياداب حسيت حياتي ماشه تترتب من بعد وفاة رُقية ربنا يرحمها ..
طلعت مع مدثر الصباح ، وصلني قريب المحل و هو مشى المصنع محل بيشتغل قال يتكلم معاهم لعل و عسى الامور تتصلح و يقدر يرجع ! و قال كونهم م سحبو منو البوكسي لحد اسي دي كويسه معاهو ..
#زنوبيا ...
حيت داخله مبسوطة و تقريباً الكل كان موجود ..
فا قلت ليهم : صباخ الخير و دخلته للتبديل ، و رجعته لاحظت انهم مجتمعين في الكراسي الجواا ! لمن ناداني استاذ حسن و قال لي :
حسن : تعالي علينا يا سلوان .. و يا ( محمد ) اقلب اللوحة البرا على القزاز خليها "closed" مسافة ننتهي من كلامنا!
اريج : " لكزتني " حمدلله الشفتك بتضحكي قبل اموت ههههه !
سلوان : ههه اشش اسكتي !
حسن : سلوان البيضحك شنووو ؟
أ محجوب : حسن !! المهم عشان تكسب الزمن انا عندي مواعيد برا .. طيب الورقه الفي يدي دي حتكون المنيو الجديد ان شاءالله و لسه ما اتصمتت مجرد ورقه كمبيوتر عاديه !!
طبعا انحنا بناخد بي راي كل واحد فيكم و بنختو في عين الاعتبار في حالة انه صح م عيب انه نقول راينا انحنا هنا يد وحدة و هدفنا واحد .. زميلتكم سلوان عقبت على المنيو و قارنت بي مستوى المحل ! و انه مفتقر لي حاجات كتيرة !!
حسن اتدخل : مع اني شايفو مناسب و مافي داعي للتغير فلسفه و خلاص !
سلوان : حلو يا استاذ حسن لمن تخت عينك في عين الزول البتقصدو بالكلام دا و تقول ليهو كلامك دا عديل ، عشان رمي الكلام دا م سمح و لا بيناسب مكانتك ! و ين المشكلة لو قبلته راي غيرك و اخدتو في عين الاعتبار زي م عمل استاذ محجوب و ف النهايه هو مجرد راي يعني مافرص و انا شغلي هنا زاتو محدد و ما مستفيدة اي حاجة من مستوى المحل طالما مرتبي حيفضل ماشي !!
اريج : سلوان ما كداا كمان !
محجوب : حا اكمل كلامي ولا كيف ؟
حسن ( بيعاين لي بي ضيق ) : اتفضل كمل !!
محجوب : اضفنا خمسه حلويات و حتنزل من الاسبوع الجاي بكمية بسيطه ، اختبار و نشوف الاقبال عليها ! و بالنسبه ليكي يا سلوان حتمشي المحل التاني يوم التلات و تتابعي مقترحاتك الخمسه و اذا لقينا اقبال حتمشي كل تلات و تقيفي مع الشيف الهناك و تتابعي معاهم التفاصيل بالجودة الشايفاها مناسبه !
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
