*يمة نمتي؟!!
—مدثر انت جيت ، اتعشيت يا ولدي؟ اتاخرت كدي مالك؟
"قعد جمبها"
*يمة انا مسافر؟!
"سهام جات وبقت تسمع في الكلام واقفة بالجمبة"
—"قامت قعدت" اجي مسافر وين؟!
*السعودية وقعت لي قرعة تبع الشغل هنا
"امو سكتت وختت يدها في خشمها"
*اها انتي رايك شنو؟!!
—الراي رايكم ياولدي قتها ليكم قبال كدي محل تدورو انامعاكم
*يعني موافقةولا لا؟!!
—الفيه خير ربنا بسويه ، وات ادرى بظروفك اكان محتاج امش الله يسهل دربك الا بدور اسألك
*اي يمة
—عروسك الدايرة كدي؟!!
"سلوان جات "
سهام مالك واقفة هنا
سهام : لالا ولا حاجة انا بخش بنوم
سلوان : مدثر اها عملت شنو ؟!!
مدثر : قدمت موافقتي ان شاءالله بكرا ببدا اسوي الاجراءات
سلوان : اتوكل علي الله انا شايفة دي فرصة ما بتتعوض ليك ، اغترب كم سنة وفق امورك وتعال راجع ولا شنو؟!!
مدثر : انا قلت كدا برضو ، منها اشتري بيت ليكم وعربية وافتح لي بقالة او استثمار في حاجة وارجع بإذن الله
النخيل : انحن خلينا اهم شي مستقبل بنيتك دي باكر تكبر واياهو حاجاتها بتكتر
الا ما جاوبتني
مدثر : يمة انا واريج ما بينا قسمة ، الموضوع دا بابو اتقفل انا قايم انوم بكرا بطلع بدري ماشي الجوازات
"دخل علي غرفتو"
النخيل : الله يهنيك ياولدي ويديك بت الحلال التصونك وتحفظك ،"عاينت لي سلوان"
*عارفاك يمة عايزة شنو ، انا زاتي ما عارفة غير انها اتكلمت مع مدثر انها ما جاهزة للعرس وبس تاني ما وضحت اي شي.
النخيل : بركة انا زاتي ما كنت بدورا لمدثر الا انتو حكمتو رايكم
سلوان : يمة دا كلام شنو والله اريج كويسة وبت ناس
"النخيل عوجت خشمها وختت يدها وسكتت"
قومي ارح جوه خليني النقفل البيت والله فترانة ونعسانة
—جانب تاني—
*اتخيلي الليلة اتكلمت مع منو وش لي وش؟!!"بشماته"
—منو؟!! "وش متحير"
*ندى مرة عزالدين قال شنو اسمها سلوان برضو
"بإندهاش"
—يابت انتي جاااادة عزالدين مغترب السعودية المفتري اخو ناس تسنيم وتقوى
*يابت شغالة في محل حلويات اتخيلي "بتضحك" عامل فيها شايف روحو ، في الاخر عرس لي واحدة شغالة في محل ههه
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
