عايزة وحدة بتغني و صوتها حلو تراسلني خاص
فضلاً 🔥♥️
#شارع_ال60
بقلم سحر سمير و فاطمة قسم الله
-١٢٩-
" وقتها عزو كان جاي عليهم بي وراهم و ماسك تلفونو "
الطيب : مبدئياً ! الموضوع بخصوص ندى!!
عزو " بي صوت عالي " ! : ندى !!!!!!!
" وقتها مالك و الطيب الاتنين اتلفتو عليهو "
مالك " تعبير وشو ما كان مُرضي لي عزالدين و لا اي زول ! " !
عزو " بي تراجع ، بقى يمسح في رسو ، و ابتسم ابتسامة خفيفه " : ههه شفتكم مندمجين ! قلت اخلعكم هههه " مسح على بطنو " جعان انا والله هنا مافي محل اكل ظريف كدا و يا حبذا لو مشاوي مع الجو دا ياخ حيكون مبالغه !! " جرّ الكرسي و قعد جمبهم ، و بقى يلعب بالتلفون يشيل و يخت فيهو "
الطيب " تماشياً مع الموقف " : القعدة هنا زابطه والله !
مالك : حا اقوم اشوف لي طريقة جبنه !
" و هو بيقوم تلفونو رنّ ، ردَ و هو متحرك "
مالك : ايوا يا ندى !
ندى : وينك ؟؟
مالك : برا
ندى : عارفاك برا ، برا قريب من البيت يعني ولا كيف ؟
مالك : لالا في " سديم كافيه "
ندى : م عرفتو !
مالك : فتح جديد في حديقة مُصقرة كدا و فيهو بحيرة و جو ظريف ! بجيبكم ليهو مرة " ادين جبنه لو سمحت " دقيقه يا ندى !! " امشي يعني حتجيبوها انتو ؟؟ .. تمام ! ايوا يا ندى !
ندى : طيب انا من امبارح ما لامة فيك و عايزة اتكلم معاك في موضوع !
مالك : طيب لمن ارجع !
ندى " بي عدم صبر ملحوظ " : طيب !!
مالك : في حاجة مهمه ارجع اسي ؟
ندى : لالا خليك بس حاساك زعلان مني !
مالك : زعلان ! و منك !!! انتي هبله !؟ ازعل منك كيف يعني كدي روقي !
ندى : طيب لمن ترجع يا مالك !
مالك : حاضر ! حتطلعو الساعه كم ؟
ندىً: مالك انا ماماشة اي تخريج ما لم نتكلم اول !
مالك : يا بت انتي في حاجة في راسك دا ؟ في شنو اسي لي كل دا يا ندى ؟؟
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
