انا و فطوم بنقول ليكم سنة سعيدة و حلوة عليكم يارب ♥️
وي ..وي يمة عفصتيني ... ( تجابد في النفس مجابده ) واااي احي يا الله...
__ قومي على حيلك واي احييي يا كريعاتي ! بركة يا يمه .. بركة الما انكفيت على وشي ويييييبويوه وي حي يا الله " كُفت ، كفتت سهام " قومي على حيلك ، من هسسع مافيك حيل !
** " قامت ناطة " يمه وحااااة الله هردتي لي ضهري داا هريييدة ! احيييه " تشيل و تنكرش " ! هسع انا سويت شنو كافتاني قُدر دا .. حي حي ..
____ قومي جرُريني يا خرابه يجرك كلب من صويفاتك الفاكاهن ديل ، الليله اخوك اكان لما فينا بعدمنا العافيه !
** كدي اانقدر اقوم انا زاتي وحاة الله كريعاتي ديل ما شايلاتني ! ( اتكلت في الارض خشم بابهم مشت تساند حيلها على الحيطة ) !! وااي وي احي يا كرعي!
__ اتتي يا خرابه انا حارساك تجُريني و اااتي لاصقه في الحيطة زي الضب بي جلافيطك دي ااسجمانه ، احييييه يا كريعاتي ، عاد يا يمة سمحه الخفة و الرشاقه ،. سجم خشمك يا التايه عاد بت شبه البنات ما عندددك !
**يمه اصبري كدا انقوم انا زاتي و بعدين جلافيطي ديل جايباهن من وين ما ياهو فيك و منك !
__ "ملصت سفنجتا و اتناولت بيها سهام في نص ضهرها " انووريك ، لسانك دا بقطعو ليك جخخخ يا قليله الادب ، خليني انقوم ليك يا الغبيشه !
** وااي ... هي يا يمه بالسفنجة لكن ! احي (تتحكحك) ... كلو بسببك يا ام شعيرات اكان ما وريتك قلة الادب ما ابقى اسمي سهام ! يمة قوووومي جيبي يددددك !!
__ بركة القدرتي تقومي !
** يمة انتي عفصتيني لكن ! ( ماسكة يدها و بتجر فيها و راجعه لي ورااا ) ..
__ما فيك حيل .. جري زي الناس ...
**( جرتها شديد انقلبو الاتنين لي ورا ) وااااااي ...
#زنوبيا ..
كل الناس بقت لافته نظرها مع الجوطة الحصلت دي "!!!
الا انا ما رديت ولا اتلفته علي استاذ حسن وهو بكورك بصوت عالي!!!
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
