** تررررن تررررن **
جو رسالتين في تلفوني على الشاشه !! " مسكتو "
محجوب : خلي التلفون اسي و ركزي معاي !!
سلوان " قمت وقفت على حيلي و خاته يديفي خشمي ، و بعاين في الرساله اللي جاية من ....
دي مصيبة شنووو ؟؟؟؟ يا عم محجوب ؟؟؟
لاحول ولاقوة الا بالله !!
" قعدت و ختيت يديني فوق راسي "
عم محجوب " بي قلق واضح " : يا بتي قلقتي بي في شنووو ؟؟
سلوان " قمت على حيلي تاني و بعاين في الرساله التانيه و بعمل زوم ( بكبر في الشاشه ) ، و بقرا فيها تاني !!! " لا حول الله يا رب !!
" مشيت قريب ليهو وانا واقفه سندت بي يديني في الطاوله و بعاين ليهو قلت ليهو " :
** انت عارف المبلغ الكُلي كم ؟
__ ايوا ! في شنو ؟؟؟
** عم محجوب " بي صوت اقرب لي مبحوح " ديل 15 مليار يعني مليار بينطح مليار ! انت مستوعب حاجة زي دي ؟؟
__ و انتي قايله شنو يا سلوان ؟؟ انتي بتتكلمي عن محل دورين شامل كامل دا غير الاثاث !!
** " منططه عيوني و رجعت قعدته "
__ في شنو في التلفون خلاكي متوترة قدر دا ؟؟.
" وقتها حسن جا داخل بالسلام ... عاين فينا و خت مفاتيحو في الطاوله وقعد "
سلوان : و عليكم السلام ! " لذيت التلفون لي عم محجوب " .. ديل رسالتين من الجهة المنفذة
الاولى اخطار بي بدء التنفيذ ، و التانيه اخطار تذكير سداد بالقيمة المتبقيه من المبلغ الكُلي مُثبت بالتفاصيل الموضحه قدامك دي مصحوبة بي اسمي طبعاً بما اني الموقعه على العقد !!
بس الما قادرة افهمو التاريخ ، في حين اني ما متذكرة اني لمحت لي تاريخ اثناء التوقيع او انا ما ركزته ! الله اعلم ! دا غير ان مافي غير اسمي يعني معنى الاخطارات دي ان معاهم بياناتي كامله يا عم محجوب !!
محجوب :
" بعد لبس نضارة القرايه حقتو ، قرا الرسالتين "
حسن :
كدي يا محجوب التلفون " مادي ليهو يدو " ..
" ناولو و بدا يقرا "
محجوب :
مافي حاجة تستدعي القلق يا سلوان يا بتي ، انا عارف المعلومات دي كلها و التذكير دا بخصوص 6 مليار متبقيه حيدفعا علي ! ما تقلقي ساي !!
حسن :
ما عارف لكن في حاجة غلط ، و التاريخ دا ضاغط شديد " عاين لي محجوب " انت عندك خلفيه عن تاريخ السداد دا ؟؟
محجوب : لا .. و مافي داعي للقلق لانه انا حالياً بالي بعيد ، و في موضوع اهم من البتتكلمو عنه دا !!
و هو موضوع استقالتك يا سلوان ، انتي كدا كأنك بتهدمي عمود قوي من اعمدة زنوبيا !!
انا ما عارف سبب قرارك المفاجئ دا شنو ! لكن خليني اتكلم معاكي بي وضوح شديد بعيد عن قيود الشغل و المسؤليات و مكانة كل واحد فينا في زنوبيا ، انا حالياً بتكلم معاكي بي صفتي والدك و لي الشرف و انتي بتي زيك زي الاء بتي تماماً !
فا السبب الرئيسيي لي توقيعك على العقد هو المحافظه على وجودك بينا ! ما كنا عايزنك تحسي انك مجرد موظفه و في اي لحظه ممكن تمشي من زنوبيا ، لانك قدمتي كتير شديد و لسه متوسم فيكي الخير ما اكذب عليكي و دايرك تستقلي موهبتك دي و تقدريها .. ما كنت دايرك تحسي بي انك مجرد موظفه عاديه و الفكرة دي من مدة جواي و ما كنت عارف اقدم ليكي شنوو عشان ارسخ ليكي الاحساس دا جواكي لاني متأكد ما حا اللقى زول حيعمل لي زنوبيا من قلبو زيك ..
لحد ما جاني علي ، و عرض علي فكرة انك توقعي على العقد و ان الحاجة دي حتحسيك بالمسؤليه و حنحافظ على مكانتك بيها ! اتمسكته بالفكرة دي لاني حسيت انه بنقدرك بيها !! و بادرت بيها لان علي كان شايف انك ما متقبلاهو على عكسي !!
أنت تقرأ
شارع ال60
Historia Corta#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
