شارع ال60

٣١

مشيت عليهم قلت ليهو : 

** ايوا ! 

حسن : اتفضلي اقعدي ( في الكراسي البرا كان ) ! 

** جداً ... 

أ:حسن : حا ادخل ليك في الموضوع طوالي عشان ما اعطلك عن شغلك ..

ما اكذب عليك اول ما جيتي هنا انا قللت منك وحتي ختيتك تكوني ك واجهة محل ما اكتر..

**"بضيق" اتململت في حتتي وهو انتبه لكدا" ممكن تدخل في الموضوع!!

أ حسن : انا بعتزر احم احم في الحقيقة طرحت كلامك ل أستاذ محجوب ال هو انا شريك معاه زي ما انتي عارفة..

واعجب جدا بالخطوة الجريئة منك دي..

"بمقاطعة"

أ محجوب"الشريك": معليش يا حسن اسمح لي اتكلم قوة ملاحظتك قوية واهتمامك بالتفاصيل اثبت لي جدارتك بالشغل وانك حا تصلي قريب لمكانة عالية ورقم انك جديدة يادوب "بضحكة" يعني العندنا قدام ما حصل جات منهم مبادرة زي دي ولا شنو "اتلفت عاين ل حسن"..

حسن : "بنحنحة هزا راسو "

"من جواي الحمدلله نطق اسمو النسيتو .. "

ف رديت عليه..

** دا شرف لي يا استاذ محجوب ..

وانا ما عاوزة اعتبرو غرور مني بس انا فعلا لفت انتباهي في المنيو اول ما رفعتو ومريت عليه حسيتو ناقص وبتمني هسي فعلا انكم تبادرو وتختو الطلبات دي في القائمة وانا متأكدة ان نسبة الاقبال عليها حا تكون كبيرة..

أ: محجوب : ان شاءالله فعلا ختيناها في الحسبان عشان كدا ناديتك لانك ممكن تنفعي المحل لقدام ..

وعايز اسألك اذا بتسمحي لي؟!

**اتفضل اتفضل يا استاذ

أ محجوب : انتي عندك خلفية عن طريقة عمل الحلويات والكيك الطلبتي يضيفوهم للقائمة؟!

** ايوة عندي خلفية عنهم 

أ محجوب : اتعلمتيهم وين كنتي شغالة في اي محل؟!!

** اول مرة اشتغل في محل حلويات..

"بضحكة وثقة" سر المهنة ولا شنو يا أستاذ..

أ محجوب : يبقي نحترم خصوصيتك وانا واثق منك..