#زنوبيا ..
اريج : اوففف يا سلوان ! ضهري عايز يتكسم نصين من التعب ياخي معقوله من الصباح واقفه على رجل وحدة !
** شكلو الخميس عندكم بيبقى طوالي زحمة كدا ، لاني متذكرة يوم استلمت كان خميس و برضو كان زحمة كدا !
__ والله انا خلاااص قلته الروب يا سلوان ما بعرف لكن غايتو تعب الليله دا كوم براهو ! انا لازمني اجازة لانو خلاص فاض بي !
** اجازة ! م ظنيت يا اريج ماشاءالله مافي زول فينا بيقعد ساي و انتي شايله كتير فا صعب ! و ما اظن حسن يوافق ليكي بيها و الله اعلم !
__على سيرة حسن يا سلوان ! ما عارفه لكن ملاحظة ليهو شايلها معاكي كدا ولا ما بعرف غايتو المهم في حاجة ما ياها !
** يشيلها للسنه الجايه م شغاله بيهو كتير و في نفس الوقت ما بنسى انه سبب لي اني اشتغل هنا و فتح لي باب الفرصه ! م علينا دايرة اسألك لو بتعرفي محل بيعمل سلاسل فضه بالطلب !
__ كيف يعني بالطلب ! قصدك صورة من النت يعني و يعملو ليكي زيها ؟
** لالا دايراها اسم !
__ حيييييه انا عاد الله يضوقنا معاكم يختي ..
** يا بت مالك ؟
__شنو مالي مش دايرة اسم راجلك برضو ههه ( بي غمزة ) ؟
** راجلي منو يا بت ؟
__ كيف يعني راجلك منو هه ؟
اااه ايوااا صح يا سلوان اتذكرته ! كل مرة بجي اقوليكي يا بحصل شي يا نسيت !
**قولي لي اسي ..
__ في واحد سأل منك !
** مني انا ! منو يعني ؟ ولا قال شنو ؟
__شكلو معجب بيكي ، هو ما قالها عديل لكن سأل من ..#قاطعها " امجد بي انفعال "
امجد : يعني سايبين الناس براااا و قاعدين تتونسو و الشغل لي فوق راسنا يا اريج و يا سلوان ! هل دا يعقل يعني ؟
سلوان : معاهو حق والله يا اريج يلا يلا ..
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
