انا لسه عند كلامي و بقول ليك قووي قلبك و اقري للاخر زي ما بديتيها ..
عشان الحلقة دي و الحلقات اللي فاتت كانت استراحة محارب و في جانب تاني " الهدوء الذي يسبق العاصفة ". ... فا من الحلقات الجايه .. خلي (#قلبك على #يدك ) شفتو كيف !!! حتى انا من التوتر لمن كتبتها غلط !!
#حتستمتعي انا بتحداكي 👌🏼
الليله حلقة وحدة ما قدرت اكتب اكتر و م حبيت اليوم ينتهي من غير طلتهم عليكم ، و بكرة ان شاءالله حلقتين صدمة🔥فا خبيكم قُراب | متابعه طيبه 🖤
------------
سلوان بتقول :
احمد كان زي النار البقت في وشي !! كل حرف قالو فيني كنت بحاول افهم هو بقول لي كدا ليه ؟ هو بيكورك فيني كدا ليه ؟ هو بيهين فيني في نص بيتنا و قدام امي و امه و سهام ليه ؟
انا عملت ليه شنو ؟ لحد اخر حرف قبل ما يجيب سيرة رُقية " الله يرحمها " انا كنت خاته مكانه لي كلمة ( يمكن ) او ( احتمال) !
خاته اعتبار لي عمتي و لي امي و لي صلة الرحم الكان هو متمني يقطعا و يتخلص منها دي هي كانت بسبب تقبلي للاعذار و اني يمكن اكون غلطت من غير وا انتبه و كنت منتظراهو يسكت عشان اسأله عن سبب كلامو .. بس بعد سيرة رُقية انا بقيت ما بشوف و لا بفهم ولا حتى صلة الرحم بقيت ما شايفاها ...
يا ريت لو كان سكت على كدا و ما كان على صوتو اكتر و قال لي :
اتكلمي " بي كوراك و نهير "
اتي عارفه الانا قتو لي امي دي ساعتك الجيتي الدخينات اظن ما سمعتيو وكتها ، لكن بسمعك ليو تب ! قُته ليها انا و اتي جبلين ! و جبلين ما بيتلاقن يا يمه ! و ان بقيتي اخر البنات ديل جت عليهن يا سلوان ، تحرمي علي دنيا و عالمين !
و اتي زمان كسرتي قلبي ، و انا اسي بكسر عينك !!!
" جاهو صوت حاااااد بي نبرة تحذير و تهديد ، مع صوت الكرسي الانجدع من الغضب و اتكسر مع الهبده في الارض "
__ احمممممممممممممممدددددد !!! اكرب قاشك !
و ما تقيف راااخي !! و عاين لي هناااا !!
سلوان مُكملة كلامها :
وقتها انا كنت لسه بعاين في احمد لحد ما لف راسو وراي مقارب باب الشارع ، تجاه صوت الكرسي ! مخالط صوت ...
مدثر " و هو مقرب على احمد و وشو عروقو بارزة من الغضب مايل للون الاحمر قاليهو " :
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
