" خبطت بي اصبعها على باب الصالون الكان فاتح بس من باب التنبيه "
محجوب : نعم ؟
زوجتو : معليش يا محجوب ، صوتك دا جابني من جواا ، و الدكتور مانعك من العصبيه و الانفعال ، لو مراضيعكم دي بتتأجل ياربت تأجلوها " بي ابتسامة " حسن كيفك ؟
محجوب : لا ما بتتأجل ..
حسن : الحمدالله بخير .. ممكن يتأجل يا محجوب صحتك اهم من الكلام دا كلو ..
محجوب : و انا مصمم نتم كلامنا .. علوووووووويه " يعني امشي " ( قلبت وشها و مشت ) !!
محجوب : اتكلم يا وليد قوليهو الكلام القلتو لي !
وليد : انا ما حا اتكلم مع حسن تاني ، كفايه السمعتو منو !
محجوب : يعني يا حسن انحنا مع بعض لينا كم سنه يدنا في يد بعض و يد وحدة ؟
حسن : واضح ان في كلام واصلك كمل كمل يا محجوب سامعك !
محجوب : طيب الاتفاقيه الاتفقتها مع شركة شادن للطيران ، كان الهدف منها شنو ؟
حسن : طيب الكلمك ما قاليك هدفي منها شنو ؟
محجوب : انا داير اسمع منك انت
حسن : كان داير تسمع مني ما كان قلبته وشك فيني ، بس الحاصل دا حعتبرو كف عشان الكنت بحاول اعملو في سلوان اسي اهو قاعد يتعمل فيني !
محجوب : يبقى كلام وليد صح انك اتفقتا تبيع بيهم مقتراحات زنوبيا او سلوان ، و تربط اسم زنوبيا بي شادن و تفكني عكس الهواء و تربط شراكتك بيهم صح ؟؟
حسن : هاهاهاهاهاها .. " فتح التلفون " هاك دي الايملات حقتهم الرسلوها لي من البدايه !
انا اتفقت معاهم ايوا بس بي اسم زنوبيا و الغرض كان نرفع من قيمة نزنوبيا و نجدد و نوسع فيهو و يكون لي الطبقه الراقيه !
محجوب : منو فيكم قاعد يلعب علي ؟
حسن : للاسف ، ولدك القلعد يلعب بينا كلنا .. بس الهدف شنو ما عارف ، و المشكلة يا وليد " بيعاين ليهو " المشكلة انك ما ذكي ، يعني انت داير تأذي و ياداب بتتعلم تلعب لعبه الخساسات دي بس ما بتعرف ، الراجل دا ابوك ! ليه بتعمل كدا ؟
محجوب : ولدي خليهو ، انت ليه عملت في سلوان كدا ؟
حسن : العملتو ولا شي مقارنه بالعملو ولدك ، ولدك اتسبب في تسمم ناس جات اشترت من زنوبيا ، دفع للمخزن عشان يغيرو في الدقيق البتستخدمو سلوان !! و مشى اتفق مع ناس وهمين على اساس انهم شوقر للحلويات عشان يجو و يتبلو في سلوان و يقولو قدامي انها متعاقده معاهم و بتلعب على الحبلين .. و رسل البلاغات الاترفعت علينا لي شركة شادن عشان يلغو الاتفاقيه البينا !!
وليد : ههههه شايف سلوان علمتك تحلل و تفكر و تربط الاحداث ، والله ماشاءالله تطور عظيم ، ابوي ما حيصدقك يا حسن ، لان كلامك دا لو قلتو لي شافع م حيصدقو .. و زي م قالت سلوان مافي زول بشيل صباعو و بيطبز عينو ! حا استفيد شنو انا ؟؟
أنت تقرأ
شارع ال60
Storie brevi#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
