الساعة 11:30
" سهام بتفتح الباب "
سهام : هي اريج .. ادُخلي ادخلي .. كيفك ؟
اريج : الحمدلله .." بتدخل على الحوش و سهام وراها "
" سلوان لابسه للشغل و شايله رقية و لافه بيها في الحوش بتسكت فيها ، و النخيل في المطبخ "
سلوان : " جات على اريج باستها " كويس الجيتي نمشي سواا زاتو ، ياداب نلحق نطلع ، عشان الليله تسليم اول كمية للشركة !
اريج : مدثر في ولا طلع ؟
سلوان " بي توتر " : في الصالون مع احمد !
اريج : جيت اتكلم معاهو لو ممكن تناديهو لي " بي وش غريب "
سلوان " بي قلق " : سهام ، امشي انتي !
سهام : سمح !
{ مشت كلمتو و جا معاها }
سلوان : سهام .. تعالي معاي لي جواا " عشان تخليهم ياخدو راحتهم " !
اريج : زمن مافي يا سلوان ، اسبقيني على المحل ، انا بجي متقدمة مع مدثر !!
سلوان : " عاينت للساعه " صحي والله " سهام شالت رقيه " يمة انا بمشي هاه .. " غمزت لي سهام و دخلت على امي المطبخ "
{بعد مشو }
مدثر : اتفضلي اقعدي .. " قعد في طرف السرير "
"اريج بتعاين ليهو و بتقعد بالجهة التانيه من السرير "قالت ليهو. :
__ متعوق جمب خشمك !
** " مسح بي يدو ". اااي بيسطة ..
__ مدثر !
** عارف كلامك .. قوليهو ساي !!
__ ما عارفو ، لاني م كصل اتكلمت معاك و لا حكيت ليك عن حياتي و لا عن حاجة تخصني ، و لا انت سألتني ! اللهم عشنا المشاعر الحسيناها و خلاص ، و يمكن م اهتميت تعرف عني حاجة لاني م بفرق عنك كتير .. انت متزوج و انا مطلقه والاتنين عندنا اطفال ! كنت محتاجة تتكلم معاي و تسألني عن حياتي #قاطعا !
** حسستيني اني مندفع ! " نص ضحكة " بس انا كنت مهتم بي حاضرك ، ليه ارجعك لي ماضي ممكن يألمك ؟
__ يعني انا كان جبت سيرة مروة يبقى سببت ليك ألم ؟؟
** ايوا !
__ " وقفت و هي بتخت شنطتا في كتفها و ابتسامة باهته " في الحالة دي يبقى انت ما عرفت تحبني لسه و فعلاً مندفع !
انا ما جيت اسي عشان عتاب او لوم ، في النهايه امبارح كنا مبسوطين لولا الحصل ، جيت عشان اقول ليك اني ما عندي استعداد اعيد تجربة الزواج مرة تانيه ، عارفه انه م كل التجارب وحدة ولا في مقارنه اساساً ، يكفي اني في عُمر سامح لي اني اخد قرار في حياتي و عندي حق القبول و الرفض ، عكس تجربتي الفاتت ...
** سمعت كلامك كلو بس حرجع ليكي لي اول نقطه ! و هي تجربتي الاولى .. مرة ربنا يرحمها ، م شفت منها حاجة شينه تخليني اتجاوزها ، و المؤلم في علاقتي بيها تفاصيل كتيرة شديد !
و م بكذب عليكي ، م حصل فكرت احب بعدها او اتزوج غيرها ، و انتي اكتر وحدة مفروض تكون عرفتي الحاجة دي ، مدثر الاقاك اول مرة م زي مدثو الكان معاك امبارح !! و انا ما مندفع !
__ معليش ، انحنا البنات عاطفيات شويه و بنحب نمتلك بي كل التفاصيل و المشاعر و كان بي ودنا م نخلي فرقه لي حاجة تانيه تشاركنا الحب حتى لو مجرد زكرى ..
حرفياً الحصل امبارح اكد لي اني ك حقدر اتصالح مع فكرة الزواج و الارتباط طول حياتي ، و حابة اعيش الجاي لي بتي و بس ... انا حا امشششي !
أنت تقرأ
شارع ال60
Cerita Pendek#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
