سلوان بتقول :
بعد يوم مرهق نفسياً .. اخيراً وصلت سريري ، اوقات كتيرة بتجي علينا لحظات بنكون بس عايزين ننفرد بي نفسنا و نقعد برانا !!
موضوع علي كان صدمة بالنسبه لي و غير منطقي و ما واقعي الموضوع بي كل الطرق !!
بعد ارتحت و اتأكدت من انه ما الزول البيرسل لي رسايل من خلال خطو .. فا ارتحته ، بس كانت مسيطرة علي فكرة انه ليه انا ؟؟؟
ليه راجل مرة ؟؟ فيني شنو انااا ؟؟ لدرجة ربطت الرسايل دي بي انها ممكن تكون من راجل مرة برضو عشان كدا ما عايز يظهر في حياتي !!
احساس اني ما قادرة اعمل اي حاجة بخصوص الحاصل معاي داا ، كان احساس مؤلم شديدددد ..
بس رغم التعب البحسو من كترة التفكير الا اني لمن استحضر تفاصيل ال CD . بحس بي حاجات كتيرة سمحه ، بدايتاً من يدو و هي بتكتب لحد الهديه اللي كانت موجودة في المقطع التاني من القرص !!
ولد جواااي الهام و طاقه و رجع جوااي سلوان الشغوفه بس للمرة دي بي هدف ... عارفه طريقي الحا امشيهو كويس المرة دي و مافي حاجة حتوقفني من تحقيق حلمي بأذن الله ..
و من الليله دي .. قررت اني انبسط و استمتع بي الرسايل من غير ما افكر ، و اوفر تفكيري لي شغلي .. و م اشوف غير النجاح ... و " جريت التوب اتغطيت بيهو و نمته "
#تاني_يوم !
الساعة 8:30am
لبسته توب امي في الحوش جمب الباب ...
" مدثر وقفني " :
ماشة وين ؟؟؟
__ عند اريج ، مفروض اوصل ليها دي " رفعت ليهو البطاقه حقتا "
مدثر : انتظري طيب بدل تمشي المشوار دا كلو براكي ، انا حسام جايني بي عربيه ،، نوصلك و نرجعك لو ما بتتاخري معاها !!
__ الله يريحك في الدارين ... بنتظر
حمشي اشرب لي شاي !
مدثر : هههههه جبته ليكم بسكويتات كميه في في المطبخ فتحت علبه كان م عجبك شوفي غيرو ** صوت البوري مقاطع كلامو **
__ وااي ديل هم ؟؟
مدثر : اي تعالي هههه ما عندك نصيب في الشاي بعد ترجعي !
__ طيب يلا .. قميصك دا سمح !
مدثر : احم " فرد طولو " اخوكيس لبييسسس دي ما دايرة ليها اتنين تلاته ي زوله "
أنت تقرأ
شارع ال60
Nouvelles#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
