" جاني صوت ناعم ...
__ على فكرة انا زعلانه منك يا مالك ! بس بحبك
و ما عندي غيرك عشان كدا مسامحاك !! بس حضرتك وين اسي و ما تقول لي عندي شغل. !!
سلوان : انا ما مالك !!
__ انتي منو ؟؟
سلوان : انا !! انا ااا ..، اا استاذ مالك كلن عنده شغل في المحل عندنا ، فا نسى تلفونو عندنا !
__ يا ربي ... طييب حبيبتي محلكم وين ؟ ولا اقول ليكي هو ما بيقدر يقعد من غير تلفونو عشان الشغل ! طيب .. والله محتارة ما عارفه اقول ليكي شنو ! طيب اسمعي ! انا جايه من سفر اسي و ما حقدر انزل باقي اليوم دا ! بس الاكيد هو حيجي راجع يشيلو و ... " سكتت كم ثانيه " انا مالي جايطة كدا ! و جوطتك معاي صح ؟ الوووو ...
سلوان : معاكي !
__ لقيتك ساكته افتكرت الخط فصل !
سلوان : مقلقه ؟
__ شنو ؟ ااا ما عارفه !؟ صراحه ايواا و حاسه بنفسي جايطه كمان ! مالك كل حاجة بالنسبه لي اخوي وابوي و ...." سكتت و كملت " انا مالي بتكلم كدا ؟؟ بسم الله ! و انتي كمان شكلك مستعمة شاطرة !! فا بتخليني اتكلم بي سكوتك دا !
سلوان : ساكته لاني ما عارفه اقول ليكي شنو ؟ شوفي ممكن اقول ليكي حاجة ؟
— قولي ..
سلوان : والله العظيم حاولت اصيغ الموضوع ما عرفته و مادايرك اقلقك بس ... اااااااخ اااخ شوفي طيب ما تقلقي انتي تمام بس مالك دا شالو الشباب عندنا في المحل ودوهو المستشفى !
حالة اغماء الظاهر ارهاق ولا نقص سكر في الجسم !!
— طيب ساكته من قبيل ليه ؟؟
سلوان : ما ..#قاطعتني !
— اسم المستشفى شنو " بتكورك ياخالتي ..ياخالتي ..."
سلوان : حرسل ليكي رقم من تلفوني اتصلي عليهو لان التلفون دا عليهو بصمة ما خقدر ارسل ليكي منو رساله !
— " بتكركب و نفسها قايم و جاريه " ! طيب طيب !
سلوان : ما تقفلي خليني انقل الرقم ، لو قفلتي الشاشه حتطفي و م حقدر افتحو !
__ طيب !!
" نزلت تحت ، شلت تلفوني من الدرج حق المكتب حق الكاشير .. نقلت رقمها ، و قفلت الخط .. طلعت رقم محمد و عمر و رسلتو ليها فيها رساله نصية "
تاني اتصلت على تلفونو #رديت !
سلوان : الو !
أنت تقرأ
شارع ال60
סיפור קצר#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...