*قعدته جمبها فتره وفجأة سالتها:
عاوز اسأالك شي؟
-مالك؟
انتي البت البتريدا امي ديك وين ما شايفا تاني جات عليكم..
"بزعلة"
انت ما عارف !
** ما فهمتك ! اعرف شنو ؟
__ انتي هسي سألتني من منو ؟
** من هاجر !
__ اها ياهو قصددي....**قاطعتها !
** دقيقه بس قبل تتمي كلامك كان دايرة تلوميني ! انا عارف ان امي لسه ياداب متوفيه و م صح افكر في حاجة زي دي والوقت م مناسب بس لانه الموضوع ماخد حيز من تفكيري و ...**قاطعتني !
__ كدي دقيقه يا عزو انا م دايرة اقول ليك كدا ولا تفكر في الموضوع دا من اساسه يا اخوي ، كلام امي الله يرحمها قالتو اتذكرها و اديها الفاتحه بس !
** للدرجة دي انتي ما رايدة البت دي ! عملت ليكي شنو طيب !؟
__ عزو يا غلاي ! الموضوع ما كدااا و قبل تفتح معاي الموضوع دا انا حاسه ان حيجي وقت و تسألني عنها و فعلاً هدا بتسألني و ما لايماك انا لاني عارفه انت حاسس بشنو كويس بس !
اااه اممم طيب ، بصراحه البتفكر فيهو دا ما حينفع تعملو !
** اكيد ما حعملو اسي انتي بتكلمي كيف !؟
__ طيب حتكلم عديل لانه شكلك م فهمتني ! هاجر دي يا عزالدين عقدو ليها حسب السمعتو في الاسبوع الفات دا ! و م عزمونا عشان وفاة امي بس انا سمعته الموضوع دا لي كم يوم !
** ااها ، طيب ( بي تردد كدا و ضيق ) !
__ ما عارفاك بتريدا لمن ظهر ضيق على وشك !
** اريد ليها شنو هو انا ما بعرفها الا من خلالكم و يوم العزاء داك ، كل الفكرة كنت عايزها عشان اختيار امي و كنت متمني احقق ليها مناها رغم اني م جاهز لي موضوع الزواج ولا حتى ضمن خططي الحاليه ، بس كل الكنت منتظرو تبلغ الصحة و افرحها !
__ ( ختت يدها على كتفي و طبطبت علي ) معليش م كل حاجة بنكون دايرنها بنحققا و من البدايه ربنا م كتب النصيب بينكم ! انسى الموضوع دا اسي و فكر في حياتك لسه الدنيا قدامك !
** ان شاءالله ، انا حاطلع مشوار و للمساء ان شاءالله حا ارجع !
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
